Postuar me: 9:34 16-07-2012

Pollo: Zgjerohet lista për hetimin e pasurisë (Burimi: Gazeta Panorama, www.panorama.com.al )

Me shume rreth femrave ne nje site              Me shume rreth sportit ne nje site Njoftime pune

TIRANË- Në kuadër të luftës kundër korrupsionit komisionet parlamentare kanë gati për shqyrtim dy projektligje, amendimin për deklarimin e pasurive të zyrtarëve dhe ai për konfliktin e interesit. Gjatë një konference për shtyp, ministri i Inovacionit, Genc Pollo ka bërë me dije se shtohen sanksionimet por shkelësit, zgjerohet lista e atyre që detyrohen ligjërisht të deklarojnë pasuritë dhe rriten kompetencat e ILDKP-së.

“Ndërkohë që ligji aktual kërkon deklarimin e familjarit të zyrtarit kjo në shumicën e rasteve nuk është bërë. Projektligji sanksionon ndëshkimin për shkelësit dhe deklarimet e rreme, përcaktohet detyrimi për cdo shpenzim mbi 5 milion lekë të vjetra që ILDKP do i kontrollojë përfshirë dhe shpenzimet jashtë vendit, përcaktohet personi i lidhur me zyrtarin që i nënshtrohet kontrollit, bashkëjetuesi dhe i besuari që administron pasuritë”- tha Pollo.

Sipas tij, në këtë listë shtohen edhe drejtorët në nivel qarku, atë të arsimit, shëndetësisë etj.

Sa i takon ligjit për konfliktin e interesit, përfshihen drejtuesit pushtetit vendor dhe shtohen kompetencat e ILDKP.

15.07.2012

Burimi: Gazeta Panorama

Rreth Autorit

Komenti Juaj :


one + 5 =

All Rights Reserved