Kërkesa për vendosjen e sekuestros është bërë nga Banka Ndërkombëtare e Azerbajxhanit, (International Bank of Azerbajixhan, I.B.A), e cila ka provuar me fakte para gjykatës se për të realizuar investime në Shqipëri, në nëntor të vitit 2008 ka depozituar në një bankë private 75 milionë euro.

Mësohet se shuma e përmendur më sipër është depozituar në tre këste. Kësti i parë është depozituar më datë 18 nëntor 2008, në shumën 30 milionë euro, kësti i dytë është depozituar më datë 19 nëntor 2008 në masën 40 milionë euro dhe kësti i fundit më datë 21 nëntor i të njëjtit vit në shumën 5 milionë euro.

Gjatë kohës në të cilën është kryer transferta bankare, “AMRA Oil” kishte fituar tenderin për shitjen e 85% të aksioneve të shoqërisë ARMO sh.a. dhe ishte në proces të përmbylljes së kontratës dhe kryerjes së pagesës. Në këtë periudhë këto fonde ishin të domosdoshme për të realizuar blerjen e 85% të aksioneve të shoqërisë. Në kushtet kur I.B.A nuk arriti të kryente investime, aktivitet në Shqipëri, ose të kishte pjesëmarrje në shoqëri të tjera, kërkoi nga Banka dhe shoqëria “Amra Oil” sh.a, rikthimin e shumës prej 75 milion Euro të depozituar. Kjo e fundit në datë 15.07.2010, i kthen bankës I.B.A. një shumë prej 1.5 milion euro, e cila është dhe shuma e vetme e kthyer deri tani palës kërkuese. Në këto kushte IBA ka kërkuar kthimin e menjëhershëm të të gjithë vlerës së detyrimit së bashku me interesat dhe fitimin e munguar në vlerën totale prej 115 milion euro. Në mungesë të një përgjigje zyrtare nga debitorët, I.B.A i është drejtuar Gjykatës së Tiranës me kërkesën për “Marrjen e Masës së sigurimit të padisë”.

Konkretisht vendimi i gjykatës parashikon:

- Vendosjen e sekuestros konservative mbi 85% të aksioneve të shoqërisë “ARMO” sh.a. të zotëruara nga shoqëria AMRA Oil sh.a. (vlera e tyre nominale është 5.126.461.000 lekë)

- Vendosjen e sekuestros konservative mbi llogaritë bankare të shoqërisë “AMRA OIL” sh.a.

- Vendosjen e sekuestros konservative mbi llogaritë bankare të shoqërisë “Armo” Sh.a.

- Vendosjen e sekuestros konservative mbi pasuritë e paluajtshme të shoqërisë “ARMO” sh.a. dhe vendosjen e sekuestros konservative mbi gjendjen e stokut të kësaj shoqërie deri në përfundim të gjykimit.

- Sekuestroja të vendoset për një shumë jo më të madhe se 75,000,000 euro.

- Urdhërimin e kërkuesit të depozitojë padinë e themelit sipas objektit të pretenduar, brenda 15 ditëve, përndryshe kjo masë sigurimi e humbet fuqinë e saj pa qenë nevoja që gjykata të shprehet me vendim tjetër.

- Kundër këtij vendimi lejohet ankimi në Gjykatën e Apelit Tiranë.

08.08.2012

Burimi: Gazeta Shqip

The post Gjykata vendos sekuestro të pasurive të Rezart Taçit (Burimi: Gazeta Shqip, gazeta-shqip.com) appeared first on Lajme shqip.

TIRANE -

Gjatë një vizite në një prej impianteve më të mëdhenj të përpunimit të peshkut dhe prodhimeve të detit, ministri i Bujqësisë Genc Ruli vlerësoi se tendencë pozitive për këtë vit kanë njohur dhe eksportet e produkteve të përpunuara të detit, ku në vlerë, nga janari deri në qershor të vitit 2011 eksportet ishin rreth 1 miliard e 290 milion lekë, ndërsa për të njëjtën periudhë të këtij vitit ato arritën në 1 miliard e 362 milion lekë.

Duke folur më tej për këtë pjesë të agro-industrisë, ministri Ruli theksoi se janë shifrat që flasin qartë për rritje të aktivitetit përpunues dhe tregtar, tendenca e cila do të jetë dhe në vitet e ardhshme.

24.07.2012

Burimi: Balkanweb

The post Ruli: Eksportet e produkteve të përpunuara të detit, tendencë pozitive (Burimi: Balkanweb, www.balkanweb.com ) appeared first on Lajme shqip.

Aktualisht Calik transporton rregullisht ngarkesa nafte të Russneft në gjithë anët e botës dhe kryen shitjen e tyre.

Nga ana tjetër kompania serbe Nis, që në bashkëpunim me Gazprom-in rus synon të blejë Albpetrolin, ka nisur verifikimet në terren, për të parë asetet e kompanisë.

14.07.2012

Burimi: Gazeta Tema

The post Rusët rrethojnë Albpetrolin, në garë pas Gazprom futet edhe Russneft (Burimi: Gazeta Tema, www.gazetatema.net ) appeared first on Lajme shqip.

Ekonomia shqiptare pësoi rënie gjatë tremujorit të parë të këtij viti, bëhet e ditur nga të dhënat e Institutit të Statistikave, të cilat konfirmojnë në këtë mënyrë vështirësitë e raportuara nga bizneset dhe qytetarët, si dhe të vërejtura nga bilanci i buxhetit të shtetit.

Ekonomia në tremujorin e parë të vitit 2012 u ul me 0.2 për qind kundrejt tremujorit të parë të vitit 2011, ndërsa krahasuar me tremujorin e katërt të vitit 2011 u ul me 1.2 për qind,” – njoftoi INSTAT.

Shqipëria ka një ekonomi të varfër dhe në këto kushte, një rritje e ngadaltë e PBB-së në rendin e 1-2 për qind mjafton për t’u konsideruar krizë. Rënia e PBB-së si ajo që vërehet në janar-marsin e këtij viti është një gjë shumë e rrallë.

Kombinimi i vështirësive ekonomike të krijuar nga kriza e borxheve në eurozonë me kushtet e vështira atmosferike të dimrit të fundit duket se janë shkaku kryesor i rezultatit negativ në Prodhimin e Brendshëm Bruto.

Gjatë muajve janar dhe shkurt, një pjesë e Shqipërisë qe e mbuluar nga dëbora, e cila e bllokoi aktivitetin në zonat minerare të Bulqizës dhe Kukësit ndërsa prodhimi i energjisë elektrike qe i dobët për shkak të keqmenaxhimit të rezervës ujore të vendit në vitin paraardhës dhe nivelit të ulët të ujit në hidrocentrale.

“Në këtë tremujor degët që kanë pasur rritjet më të larta ishin shërbime të tjera dhe tregtia respektivisht me 11.1 përqind dhe 5.3 krahasuar me tremujorin e parë të vitit 2011. Degët që u paraqitën me rënie në këtë tremujor krahasuar me të njëjtin tremujor të një viti të mëparshëm ishin industria, ndërtimi, post-komunikacioni dhe transporti respektivisht me 19.3 për qind, 17.6 për qind, 4.8 për qind dhe 1.7 për qind,” tha INSTAT.

9 korrik 2012

Burimi: Gazeta Shqip

The post Ekonomia shqiptare në recesion (burimi: gazeta shqip, gazeta-shqip.com ) appeared first on Lajme shqip.

“Vendimi i ministres Mimoza Kusari Lila penalizon në mënyrë arbitrare çimenton shqiptare. Analizat tregojnë se 40 për qind e nevojave të Kosovës për çimento mbulohet nga Shqipëria. Dua t’i bëj thirrje zonjës Kusari-Lila të ketë një reagim pozitiv, ashtu si në rastin e patateve. Uroj të hiqet kjo tarifë që ka rënduar në mënyrë të ndjeshme importin e këtij produkti. Tarifa prej 35 për qind është jashtë çdo lloj logjike”, tha Jakaj. / G.N.

Kosova “bllokon” çimenton e Shqipërisë

Ministrja Mimoza Kusari-Lila ka vendosur ta “bllokojë” hyrjen e çimentos së Shqipërisë në Kosovë. Ajo ka marrë vendim që importuesit të paguajnë një tarifë prej 35 për qind. Këtë thotë se e ka bërë për ta mbrojtur prodhimin e vendit. E prodhuesi i vetëm në Kosovë është “SharrCemi”, që është në pronësi të kompanisë greke “Titan”.

Ndonëse thuhet se, kjo tarifë është vendosur për të gjithë importuesit, në fakt nga kjo preket vetëm një prodhues i çimentos nga Fushë-Kruja, i cili ka dominuar në tregun e Kosovës. Ndërkaq, me këtë favorizohet prodhimi i kompanisë greke “Titan”, e cila ka fabrika në Maqedoni, Serbi, Shqipëri.

Ministrja e Tregtisë dhe e Industrisë, Mimoza Kusari – Lila, mohon që këtë e ka bërë me direktiva të mikut të saj, Lekë Musa, i cili punon si këshilltar në “SharrCem”. Të dy kanë punuar shumë kohë në Odën Ekonomike Amerikane. Ajo insiston se këtë e ka bërë për mbrojtjen e prodhimeve të vendit, derisa për vendimin thotë se ka bazë ligjore.

Sipas të dhënave të Doganës së Kosovës çimentoja nga Shqipëria e ka mbizotëruar importin gjatë vitit 2011. Nga ky shtet janë importuar 226 mijë e 847 tonë çimento. Vlera doganore e sasisë së importuar nga Shqipëria ka qenë 14 milionë e 473 mijë e 559 euro. Nga kjo sasi importuar nga Shqipëria në buxhetin e Kosovës janë derdhur 2 milionë e 319 mijë euro nga pagesa e TVSH-së që është bërë me rastin e importit. Edhe në gjashtëmujorin e parë të vitit 2012 importi nga Shqipëria ka vazhduar të dominojë, pasi janë importuar 102 tonë çimento.

14.06.2012

Burimi: Gazeta Shekulli

The post Eksporti i çimentos në Kosovë, Jakaj: Tarifa është jashtë çdo logjike appeared first on Lajme shqip.