Lajm-shqip » EXTRA

Hiqen si femra në “Facebook”, grabisin 19-vjeçarin në Kamzë (Burimi: Balkanweb, www.balkanweb.com)

lajmi sot — Sun, 19 May 2013 13:54:44 +0000

TIRANE – Dy të rinj nga Kamza kanë gjetur një mënyrë origjinale për të grabitur nëpërmjet rrjetit social me përhapje të gjerë, “Facebook”. Në fund të vitit që shkoi, rreth dhjetorit 2012, shtetasit Gentjan Hasani dhe Anxhelo Demira kanë hapur një profil të rremë me emër femre në Facebook (konkretisht emri ka qenë Adela Zika). Pasi kanë vendosur edhe disa foto të rreme, ata kanë nisur kontaktet me persona të ndryshëm.

“Viktimë” ka qenë 19-vjeçari E.Cana. Ai i është përgjigjur kërkesës për miqësi të bërë nga profili me emrin Adela Zika dhe më pas ka hyrë në komunikim me të, duke menduar se po fliste me një vajzë. Në fakt, në anën tjetër kanë qenë pikërisht shtetasit Gentjan Hasanaj dhe Anxhelo Demira që flisnin. Pasi 19-vjeçari ka kërkuar të takojë “vajzën” me të cilën fliste në Facebook, dy të akuzuarit kanë vazhduar mashtrimin. Nga profili i rremë me emrin Adela Zika, dy të akuzuarit për grabitje me dhunë kanë lënë takim dy herë me 19-vjeçarin, por më pas nuk janë paraqitur duke nxjerrë justifikime të ndryshme. Gjithnjë duke menduar se personi me të cilin po fliste ishte femër, 19-vjeçari E.Cana ka kërkuar sërish takim me “Adela Zikën”.

Takimi është vendosur të bëhej më 20 shkurt 2013, në zonën e “Bulevardit Blu” në Kamzë të Tiranës. Pasi “vajza” që i fliste në Facebook ka pranuar të takoheshin, i riu është nisur dhe menjëherë sapo ka mbërritur në vendin e caktuar, ka rënë pre e grabitjes. Sipas Policisë, autorët e ngjarjes ishin Gentjan Hasanaj dhe Anxhelo Demira, të cilët duke përdorur një armë zjarri, i kanë marrë të riut telefonin dhe shumën e parave që kishte me vete.

Pas ngjarjes, 19-vjeçari i dëmtuar bëri denoncim në Polici dhe tregoi mënyrën si kishte përfunduar në “pritën” e organizuar nga dy të pandehurit. Policia e Tiranës zhvilloi hetime për disa muaj dhe në përfundim arriti të zbulojë mekanizmin me të cilin vepronin dy të rinjtë banues në periferi të Tiranës. Pas identifikimit të dy personave, policia ka bërë shoqërimin e tyre në Komisariat dhe më pas, ka thirrur personin e dëmtuar. Gjatë paraqitjes për njohje, 19-vjeçari ka arritur të identifikojë dy personat që e kishin grabitur nën kërcënimin e armës, më 20 shkurt 2013.

Pas këtyre procedurave, policia ka vendosur të arrestojë dy të rinjtë dhe dosja i është përcjellë Prokurorisë. Organi i akuzës kërkoi masën e sigurisë “arrest me burg pa afat” për dy personat e vënë në pranga nga policia me akuzën e grabitjes me dhunë. Gjykata vendosi që Anxhelo Demira dhe Gentjan Hasani të mbahen në burg pa afat, deri në përfundim të hetimeve ndaj tyre.

19.05.2013

Burimi: Balkanweb

The post Hiqen si femra në “Facebook”, grabisin 19-vjeçarin në Kamzë (Burimi: Balkanweb, www.balkanweb.com) appeared first on Lajm-shqip.

Si ta mbani të balancuar një lidhje me diferencë në moshë (Burimi: Sekrete Bukurie, www.sekretebukurie.com)

lajmi sot — Sun, 19 May 2013 09:12:29 +0000

Fillimi i nje lidhje me një person më të moshuar, mund të jetë pak shqetësues në fillim, por nëse i përcillni këto këshilla, do të kuptoni si mund ta mbani këtë lidhje të balancuar.

Nëse dy partnerët në një marrëdhënie janë të ndershëm me qëllimet e tyre, nuk ka asnjë arsye pse diferenca e moshës duhet të krijojë problem në një marrëdhënie.

Durimi
Një nga arsyet kryesore që i bëjnë femrat të dalin me meshkuj më të vjetër, është fakti se ata janë më stabil dhe më të vendosur. Derisa ju çuditeni me shtëpinë e tij të këndshme dhe me karrierën e tij, shumë shpejt do të mësoni se për të paguar faturat ai duhet të punojë shumë. Nganjëherë kjo do të thotë se do të ketë më pak kohë dhe vëmendje për ju. Ju duhet të kuptoni dhe të keni shumë durim.

Diferenca në moshë
Mos ia kujtoni vazhdimisht diferencën në moshë që keni mes vete. Nëse ju të dy jeni pajtuar që të filloni lidhjen, atëherë keni tejkaluar çdo dallim në moshë që mund të keni, duke e lënë atë prapa jush. Nëse vazhdimisht ia kujtoni atij se sa vite keni dallim, thjesht do ta bëni të ndihet keq dhe do të dukeni e pasigurt.

Kënaquni me bisedën!
Shumë femra të reja tërhiqen nga meshkujt më të vjetër, për shkak të bisedës së mrekullueshme që mund ta kenë me ta. Ky do të ishte një rast për të shprehur të gjitha aftësitë tuaja, të cilat me miqtë tuaj moshatarë zakonisht nuk mund t’i shprehni edhe aq. Mund ta shfaqni personin e rritur brenda jush pa pasur frikë.

Shfaqni aftësitë tuaja në kuzhinë!
Nuk mund të themi se çdo femër duhet gjithsesi të dijë të gatuajë dhe të pastrojë për të bërë për vete një person, por natyrisht që nëse di t’i bëjë këto, do të duket shumë më e përshtatshme si partnere. Meshkujve jo vetëm që u duket atraktive kjo karakteristikë, por ata kërkojnë diçka të tillë te një femër, e cila në të ardhmen do të rrisë familjen e tyre.

19.05.2013

Burimi: Sekrete Bukurie

The post Si ta mbani të balancuar një lidhje me diferencë në moshë (Burimi: Sekrete Bukurie, www.sekretebukurie.com) appeared first on Lajm-shqip.

Një asteroid 3 km kalon pranë Tokës më 31 maj. (Burimi: Balkanweb, www.balkanweb.com)

gazeta shqip — Sat, 18 May 2013 13:22:46 +0000

LOS ANXHELOS-Nuk ka paqe në atsmoferën e Tokës. Asteroidi i quajtur 1998 QE2, i gjatë rreth tre kilometra, do të kalojë afër Tokës më 31 maj në orën 20:59 sipas Grinwichit (21:59 sipas orës sonë).

Ky shkëmb masiv fluturues është zbuluar para 15 vjetëve, por shkencëtarët nuk janë të sigurt se nga e ka ai prejardhjen.

“Mirëpo, sipërfaqja e këtij asteroidi është e mbuluar me një materie ngjitëse, të zezë, që mbase flet se bëhet fjalë për kometë që ka kaluar pranë Diellit”, tha Amy Mainzer nga laboratori i Kalifornisë, citon st gazeta Los Angeles Times.

Ajo ka shtuar që është e mundshme që vendi i prejardhjes mund të jetë edhe brezi i asteroideve ndërmjet planetëve Mars dhe Jupiter.

Astronomët planifikojnë që nga 30 maji e deri më 9 qershor të përcjellin me kujdes kalimin e këtij asteroidi pranë Tokës.

Më 31 maj asteroidi do të jetë në distancë prej rreth 6 milionë kilometrave larg Tokës, që është distancë afro 15 herë më e madhe se distanca ndërmjet Tokës dhe Hënës.

Shkencëtarët thanë se ‘nuk ka gjasa’ që asteroidi 1998 QE2 të godasë Tokën (kësaj here), kurse kalimi i ardhshëm i tij pranë planetit tonë do të ndodhë në vitin 2119, pra pas më shumës e 100 vjetëve.

18.05.2013

Burimi: Balkanweb

The post Një asteroid 3 km kalon pranë Tokës më 31 maj. (Burimi: Balkanweb, www.balkanweb.com) appeared first on Lajm-shqip.

Si të jesh pozitiv, edhe kur jeta po të shkon keq (Burimi: ikub.al, www.ikub.al)

lajmi sot — Fri, 17 May 2013 18:55:37 +0000

Keni tendencë për të qenë pesimistë, duke parë sesi po ju rrjedh jeta? Atëherë ja disa strategji për të nisur të mendoni pozitivisht e pse jo, të ndjeni i plotësuar në jetë…

1. Mos i vendosni vetes kufij. Arsyeja më e zakonshme pse njerëzit mendojnë se jeta e tyre është e neveritshme, vjen ngaqë nuk e jetojnë plotësisht atë. Shiko brenda vetes, për të kuptuar se cili je dhe për çfarë ke nevojë, duke e vendosur vetë rrugën tënde. Për të kuptuar të gjithë këtë mund të të ndihmojë meditimi dhe eksplorimi i brendshëm, që do të shtyjnë të çmosh sërish jetën, sidomos nëse ke humbur interesin e gjërave.

2. Kuptoni se cilat janë cilësitë për të cilat e vlerëson veten? Jeni simpatik? Inteligjent? I sinqertë? Bujar? Çfarë të bën krenar? Kërko të përqendrohesh në gjërat pozitive të jetës tënde. Ndoshta ke një ndikim pozitiv tek ata që të rrethojnë, edhe pse vetë ndihesh i kotë.

3. Shndërrojini mendimet negative në pozitive. Kur jeni me humor të keq mendon gjëra të këqija, edhe pse asgjë mund të mos përkojë me realitetin. Atëherë duhet të ndryshoni këndvështrimin tuaj. Përqendrohuni te ana juaj më e mirë dhe mendoni për ata që iu duan. Duhet të dini se jeta s’është e lehtë për askënd, do të ketë gjithmonë ulje-ngritje dhe momente me mungesë vetëvlerësimi. Mos e konsideroni automatikisht të sigurt që nuk keni rëndësi për askënd. Jeni i gjallë, për një arsye!

4. Mundohuni gjithmonë të gjeni detajet që iu pëlqejnë dhe nëse nuk mund të ndryshoni diçka, atëherë ndryshoni mënyrën e sjelljes tuaj kundrejt asaj.

5. E gjitha varet nga sesi zgjedh t’i shohësh gjërat. Jeni xhelozë për njerëzit që kanë jetë të mrekulllueshme? Kujtoni që edhe njerëzit e pasur mund të jenë jo të lumtur dhe se ata që jetojnë në rrugë mund të ndihen të kënaqur. Gjithçka varet nga këndvështrimi. Po ti çfarë mund të bësh për të qenë i lumtur? Vendosini vetes objektiva reale dhe mendoni sesi t’i realizoni. Fillimi është gjithmonë i vështirë, por me ngulm mund t’ia dilni.

6. Ndonjëherë është vetëm çështje fati. Shumë gjëra varen nga rastësia, për shembull vendi ku keni lindur dhe lloji i familjes të varfër, apo të pasur, të cilës i takoni. Gjithsesi, rëndësi ka sjellja dhe vendimet tuaja. Kini parasysh që kapërcimi i një situatë të vështirë me zemër është një akt heroik, akt me kurajë të madhe që mund të frymëzojë edhe njerëzit që iu rrethojnë. Kjo ka rëndësi vërtet!

7.Kërkoni të motivoni veten! Çfarë është ajo që iu jep një stimul plus? Muzika? Dashuria? Familja? Zoti? Pikërisht, synoni të marrësh një nxitje, duke menduar për gjërat më të rëndësishme të jetës tënde.

8.Kini parasysh edhe se disa gjëra kalojnë me kohën. Nesër është një ditë e re. Me kalimin e kohës, gjërat duhet të ndryshojnë, gjithmonë për mirë. Të paktën, kjo shpresohet.

17.05.2013

Burimi: ikub.al

The post Si të jesh pozitiv, edhe kur jeta po të shkon keq (Burimi: ikub.al, www.ikub.al) appeared first on Lajm-shqip.

“Lotaria Kombëtare”: Si bëhet ndarja e çmimeve për lojën “6 nga 39” (Burimi: Panorama, www.panorama.com.al)

lajmi sot — Fri, 17 May 2013 16:12:32 +0000

Lotaria Kombëtare-Prej më shumë se një muaji të gjithë shqiptarët në moshë madhore kanë mundësinë të marrin pjesë dhe të provojnë fatin në lojën Loto “6 nga 39” të Lotarisë Kombëtare. Deri tani fati nuk i ka buzëqeshur askujt për të fituar çmimin e madh prej 100 milionë lekësh të vjetër. Lotaria Kombëtare garanton sërish për shortin e radhës të Loto “6 nga 39”, se fondi për çmimin e parë do të jetë 100 milionë lekë të vjetër. Kjo shumë garantohet për të gjithë lojtarët nga vetë kompania, ndërsa shuma në dispozicion për fituesit e kategorisë së dytë dhe të tretë, pra ata që parashikojnë saktë respektivisht 5 dhe 4 numra, është në varësi të numrit të biletave të shitura. Sa më shumë bileta të shiten në një shorte, aq më i madh është fondi i fitimit në dispozicion për fituesit e kategorive të mësipërme. Në të gjithë botën formati i një lotarie të tillë është i bazuar në çmimin e madh, i cili në Shqipëri fillon nga 100 milionë lekë të vjetër. Procedura për çmimet fituese në Loto “6 nga 39” është përcaktuar që në fillim të lojës. Skema që përcakton çmimet është shumë e thjeshtë. Lotaria Kombëtare garanton se 50% e xhiros që vjen nga shitja e biletave kalon në favor të fituesve. Fillimisht nga shuma e mbledhur paguhen fituesit e kategorisë së katërt (3 numra të saktë – 211 lekë për çdo biletë fituese) dhe të pestë (2 numra të saktë – 100 lekë për çdo biletë fituese). Çmimet për këto dy kategori do të jenë gjithmonë njësoj. Shuma që mbetet pasi janë paguar çmimet e kategorisë së katërt dhe të pestë, u shpërndahet fituesve të kategorive të tjera. Sipas procedurës, 75% e kësaj shume shkon për çmimin e kategorisë së parë (6 numra të saktë); 12.2% shkon për çmimin e kategorisë së dytë (5 numra të saktë) dhe 12.8% shkon për çmimin e kategorisë së tretë (4 numra të saktë). Përmes kësaj formule matematikore, çdo javë Lotaria Kombëtare përcakton shumat që merr secila biletë fituese në Loto “6 nga 39”. Çmimi i madh prej 100 milionë lekësh fillimisht garantohet nga vetë kompania Lotaria Kombëtare, pjesë e grupit “Austrian Lotteries”, dhe jo nga shitja e biletave.

17.05.2013

Burimi: Panorama

The post “Lotaria Kombëtare”: Si bëhet ndarja e çmimeve për lojën “6 nga 39” (Burimi: Panorama, www.panorama.com.al) appeared first on Lajm-shqip.

Bebet “in vitro” në shtet, Keta: Gati në fund të vitit (Burimi: Balkanweb, www.balkanweb.com)

lajmi sot — Fri, 17 May 2013 15:19:24 +0000

Aplikimi i metodës së fertilitetit të ndihmuar medikalisht apo siç njihet ndryshe fekondimi “in vitro” do të fillojë në fundin e këtij viti. Lajmin për “Gazeta Shqiptare” e bën të ditur mjekja obstetre-gjinekologe pranë maternitetit të ri “Koço Gliozheni” në kryeqytet, Mimoza Keta. Sipas mjekes tashmë ka përfunduar faza përgatitore, ndërsa pritet të fillohet nga puna. “Aparaturat për kryerjen e procedurave të fertilitetit të ndihmuar medikalisht janë gati. Gjithashtu, është përgatitur edhe stafi mjekësor, ndërsa pritet që të fillojmë në fund të këtij viti”,-u shpreh Keta. Ndërkohë që, sa u takon donatorëve të spermës, mjekja sqaroi se ende nuk është përcaktuar se si do të mbulohet kjo pjesë, por fillimisht aplikimi i kësaj metode do të bëhet te çiftet e martuar. “Ende nuk është diskutuar për donatorët, por në fillim ne do të aplikojmë këtë metodë te çiftet ku problemin për të mbetur shtatzënë e ka femra. Në një moment të dytë do të mendohet për rastet e tjerë”,-shpjegoi mjekja. Ndërkaq, ajo pohoi se tashmë është vendosur që për të gjitha femrat e siguruara ky shërbim do të jetë pa pagesë, pasi kostoja e shërbimit do të mbulohet nga sigurimet shëndetësore. “Koço Gliozheni” do të jetë i pari maternitet shtetëror që do të ofrojë fertilitetin e ndihmuar medikalisht, pasi deri më tani çiftet shqiptare që kishin nevojë mund t’iu drejtoheshin vetëm klinikave private.
Shifrat
Edhe pse në vendin tonë ende nuk ka një studim mbarë kombëtar lidhur me përqindjen e fertilitetit, disa studime dhe të dhëna nga mjekët obstetër gjinekologë tregojnë se rreth 12% e çifteve kanë probleme përsa i përket lindshmërisë. Ndërkohë që, në Tiranë në vitet 2004-2012 numërohen kërkesa nga 33.304 çifte, prej të cilëve 497 kanë përfituar shtatzëni të konceptuar me metodat e fertilitetit të ndihmuar medikalisht në klinika private në vend, por edhe jashtë.
Shkaqet
Infeksionet seksualisht të transmetueshme, të cilat sipas statistikave janë shtuar për arsye se jeta seksuale është më e lirë, shihen si një nga shkaqet kryesore që shkaktojnë infertilitetin. Gjithashtu, stili i jetës, ku përfshihen: Obeziteti, anoreksia, stresi, duhanpirja, droga, mënyra e ushqyerjes, papastërtia e ambientit dhe ajrit është një tjetër faktor që ndikon në problemet e infertilitetit. Një arsye tjetër është rritja e mo-shës së lindjes së fëmijës së parë, e cila po kalon rreth 30 vjeç dhe dihet që aftësitë për të konceptuar të një femre fillojnë dhe bien pas moshës 35 vjeç.
Legjislacioni
Ligji shqiptar “Për shëndetin riprodhues” i vitit 2002 është në përputhje me të drejtat evropiane dhe ndërkombëtare të njeriut për riprodhim. Bazuar mbi parimet mjekësore dhe shkencore, ky ligj, me të njëjtat standarde me ligjet aktuale të vendeve të përparuara në BE dhe SHBA, vendosi Mjekësinë e së Ardhmes për Riprodhim në dispozicion të qytetarëve shqiptarë. Që nga viti 2003 me një rregullore të Ministrisë së Shëndetësisë, u lejua përdorimi i metodës “In Vitro” ku mosha e lejuar e grave për të është më e vogël se 50 vjeç.

17.05.2013

Burimi: Balkanweb

The post Bebet “in vitro” në shtet, Keta: Gati në fund të vitit (Burimi: Balkanweb, www.balkanweb.com) appeared first on Lajm-shqip.

Prova Javore – Në shtëpi bie zjarri (Burimi: ikub.al, www.ikub.al)

lajmi sot — Fri, 17 May 2013 09:40:37 +0000

Zjarri-Banoreve u ofrohet paketa e katërt që Sigal ofron, dhe ajo është “Sigurimi i pronës private”.

Synimi i lojës është që banorët të tregohen të kujdesshëm në raste zjarri, për këtë arsye gjatë 24 orëve në vazhdim banorët do të jenë edhe zjarrfikësit e Big Brother në aksion.

Në fushën e lojërave ndodhet një shtëpi dhe sa herë shtëpia të marrë flakë Big Brother do të vërë alarmin në të gjithë shtëpinë. Banorët duhet të futen menjëherë në bibliotekë, të marrin zarfin nga Big Brother dhe të shohin se cili do të jetë çiti i cili do të bëjë aksionin. Pasi të zbulohen dy emrat që do të shuajnë zjarrin, duhet të veshin kostumin e zjarrfikësit dhe të nisen në fushën e lojërave.

Banorët duhet të kalojnë përmes pengesave për të arritur te shtëpia e vogël dhe rrugës do të marrin edhe bombolat për shuarjen e zjarrit. Ajo që banorët duhet të bëjnë është jo vetëm shuarja e zjarrit por edhe ruajtja e materialeve që ndodhen në të. Këto materiale janë gjërat e dashura të banorëve që dorëzuan pak më parë. Sa herë që dëgjohet alarmi, banorët duhet të nxitojnë për të marrë zarfin në bibliotekë. Gjate kohës që një çift shuan zjarrin, banorët e tjerë duhet të qëndrojnë te holli pasi çdo gjë do të shfaqet në monitor. Big Brother do të masë kohën për secilin çift dhe e fiton provën çifti që harxhon me pak kohë dhe fiton paketën nga Sigal për sigurimin e shtëpisë.

17.05.2013

Burimi: ikub.al

The post Prova Javore – Në shtëpi bie zjarri (Burimi: ikub.al, www.ikub.al) appeared first on Lajm-shqip.

Koleget që çdo femër duhet t’i ketë në punë (Burimi: ikub.al, www.ikub.al)

lajmi sot — Fri, 17 May 2013 08:02:05 +0000

Puna e ëndrrave përfshin edhe koleget qe bëjnë zyrën një vend te dashur dhe zbavitës!

Vendi i punës mund te na jap kënaqësi te mëdha, mund te bëjmë karrierë dhe te ndihemi krenare për veten tone…por nuk mund te bëjmë çdo gjë te vetme, na shërbejnë dhe kolege te cilat te na ndihmojnë për tu realizuar. Ja kush janë koleget qe një femër ka nevoje ne vendin e punës.

Kolegia Gossip girl- nëse dëshironi te dini se çfarë ndodhe ne zyre nuk ka mike me te mire se sa ajo qe di çdo gjë dhe është e gatshme te tregoje!

Kolegia NERD- dëshironi te mos ju prishet kurrë PC? Duhet te keni gjithmonë pranë kolegen NERD e cila do t’u ndihmoje për ta rregulluar atë.

Kolegia menaxhere- edhe ne këtë rast te jesh mikja e saj do te thotë te keni premierën e lajmeve ne punët e reja dhe ato personale.

Kolegia Zhvilluese- nëse keni një ide për app, mund te jete ajo qe do tju ndihmonte për ta përkthyer pa u sforcuar shume…mbase edhe me ndihmën e NERD!

Kolegu mashkull- mund te jete një gjë e mire te kesh një koleg mashkull mbi te cilin mund te mbështeteni.

Kolegia asistentja e shefit- ajo di çdo gjë qe bën shefi dhe mbi te gjitha planifikon axhenden e tij, kjo kolege mund tju duhet për te rregulluar takimet kur ju mund te keni nevoje.

17.05.2013

Burimi: ikub.al

The post Koleget që çdo femër duhet t’i ketë në punë (Burimi: ikub.al, www.ikub.al) appeared first on Lajm-shqip.

Muzika melankolike të ndihmon pas ndarjes (Burimi: Top Channel, www.top-channel.tv)

lajmet e fundit — Fri, 17 May 2013 08:01:06 +0000

Muzika- Ndarja nga partneri është e vështirë, por mund të kalohet më lehtë nëse dëgjon muzikë melankolike ose sheh filma që të bëjnë për të qarë.

Sipas një studimi nga Universiteti i Kalifornisë (që kundërshton mendimin e përgjithshëm se muzika e trishtë të ul edhe më tej humorin) njerëzit që kanë probleme në marrëdhënien e tyre ndihen më mirë kur muzika reflekton mërzinë apo trishtimin e tyre.

Studiuesit e argumentojnë këtë gjë duke dhënë një shembull: muzika që është e njëjtë me gjendjen tonë emocionale i ngjan një shoku ose shoqeje që na dëgjon problemin dhe na kupton.

Studime të mëparshme kishin dalë në përfundimin se personat që kalojnë një periudhë të keqe sentimentale preferonin muzikë ritmike dhe filma komedi për t’iu “kundërpërgjigjur” ndjenjave negative.

Nëse ndiheni të trishtuar apo të zemëruar duhet të dëgjoni muzikë ritmike për të përmirësuar humorin. Në këtë përfundim ka arritur një studim i kërkuesve të Universitetit të Misurit në Shtetet e Bashkuara të Amerikës.

Por, kjo formulë funksionon nëse ju me të vërtetë doni që të ndiheni të lumtur duke dëgjuar muzikë.

Nëse po dëgjoni një këngë ritmike në sfond, por jo me misionin për të ndryshuar humorin tuaj, kënga nuk do të ketë asnjë efekt.

Udhëheqësja e studimit, Yuna Ferguson, thotë për ‘Daily Mail’: “Nëse dikush niset me mendimin se do të dëgjojë muzikë ritmike për t’u ndjerë më mirë, atëherë ai do të ndihet më mirë.”

17.05.2013

Burimi: Top Channel

The post Muzika melankolike të ndihmon pas ndarjes (Burimi: Top Channel, www.top-channel.tv) appeared first on Lajm-shqip.

BB6, Rikja e “zhgënjyer” nga Iliri; Iliri diskuton me Eldorën për nominimet (Burimi: Gazeta Shqip, www.gazeta-shqip.com)

lajmi sot — Fri, 17 May 2013 07:27:43 +0000

Rikja me Elonën shqetësohen për mërzitjen e Eldorës dhe këmbëngulin që ajo të flasë, por ajo nuk pranon. Shpendi gjithashtu afrohet tek Rikja dhe Elona dhe e pyet për Eldorën e cila edhe atij ju duk e mërzitur për diçka.

Rikja më pas i tregon Elonës për bisedën që bëri me Anaidin për raportin e saj me të dashurin e saj. Sipas Rikes, ai disa pyetje ja bëri me tendencë por edhe ajo nuk ja kurseu përgjigjet duke ja dhënë në momentin e duhur. Por Rikja nuk priste një pyetje nga Iliri i cili e pyeti Riken nëse ka pasur ndonjëherë të dashur spanjoll. Sipas saj kjo ishte një pyetje e tepërt, të cilën nuk e bëri as Anaidi e jo më Iliri. Rikja shton se edhe kur i tha Anaidit që disa banorë, midis tyre edhe Iliri e dinë që në fillim historinë time, Iliri u përgjigj që nuk është e vërtetë që e ka ditur. Rikja ndihet disi e zhgënjyer nga sjellia e Ilirit, sepse këto gjëra mund ti dëgjonte nga Anaidi dhe jo nga ai.

Nga ana tjetër e lulishtes ndodhet Iliri me Eldorën dhe po diskutojnë lidhur me nominimet e kësaj jave. Ilir mendon që Elona e ka nominuar këtë javë. Teksa Eldora e pyet se përse mendon kështu, Iliri i përgjigjet që ndoshta e ka bërë për të mos çuar në nominim Shpendin, ka hedhur një votë për mua. Sipas tij këtë javë në nominim është Eldora, Anaidi dhe Vigani. Elona, e cila i bashkohet Ilirit dhe Eldorës teksa bisedojnë, mendon që është edhe Rikja në nominim këtë javë. Iliri shpreh dëshirën e tij se këto javë që kanë mbetur do donte të ishin të gjithë në nominim, por nga ana tjetër edhe kjo pjesë ka bukurinë e saj pasi do nominosh edhe persona që deri dje nuk i ke nominuar. Eldora mendon që edhe Iliri mund të jetë në nominim. Ai nuk e mendon një gjë të tillë, por mendon që do të jete në javën e ardhshme.

17.05.2013

Burimi: Gazeta Shqip

The post BB6, Rikja e “zhgënjyer” nga Iliri; Iliri diskuton me Eldorën për nominimet (Burimi: Gazeta Shqip, www.gazeta-shqip.com) appeared first on Lajm-shqip.