Pamundësia për të pasur një fëmijë në kushte natyrale ka bërë që shumë çifte shqiptare t’u drejtohen shërbimeve moderne të farëzimit artificial për të gëzuar të drejtën prindërore. Shifrat në vendin tonë tregojnë se gjatë viteve të fundit është rritur numri i familjeve shqiptare që manifestojnë probleme sa i takon lindshmërisë. Strukturat shëndetësore konfirmojnë se jo pak, por mbi 12 për qind e çifteve shqiptare përballen me probleme që kufizojnë lindjet natyrale, të cilëve nuk u mbetet gjë tjetër veçse t’u nënshtrohen alternativave që ofron sot teknologjia mjekësore në fushën e obstetrikës dhe gjinekologjisë, metoda që së fundi kanë hyrë edhe në vendin tonë në shërbimin publik e privat. Specialistët bëjnë me dije se shumë çifte pas një pritjeje të gjatë për të pasur një fëmijë në rrugë natyrale u drejtohen klinikave të specializuara, ku kërkojnë ndihmë, pasi arsyet e ndryshme gjenetike apo dhe ato të fituara gjatë jetës nuk u mundësojnë dot konceptimin e një shtatzënie në rrugë të natyrshme. Në pjesën dërrmuese të rasteve bëhet e ditur se problemi qëndron te meshkujt, por nuk përjashtohen as rastet kur organizmi i femrës gjendet përballë privimit për të gëzuar lindjen e një fëmije në kushte natyrore, e cila vjen si pasojë e prodhimtarisë jo të lartë të vezores apo dhe vendosjes në mënyrë të çrregullt të vezëve. Kundrejt këtyre kufizimeve vjen në ndihmë zgjidhja nëpërmjet farëzimit artificial, “in vitro”, që siguron përgatitjen dhe fuqizimin e spermës në kushte laboratorike, sikundër ndodh edhe me përgatitjen e vezës së marrë nga trupi i nënës. Për t’u ardhur në ndihmë këtyre çifteve që përballen me probleme të fertilitetit, gjatë ditës së djeshme është inauguruar pranë spitalit “Hygeia” klinika e re e fertilitetit, nëpërmjet së cilës shumë prindër do të mund të shtojnë përbërjen e tyre familjare. Në hapjen e kësaj klinike ishin të pranishëm edhe kryeparlamentarja Jozefina Topalli dhe ministri i Shëndetësisë Vangjel Tavo. Në lidhje me këtë shërbim kryeparlamentarja Topalli ka thënë se vite më parë këto metoda, që sjellin buzëqeshjen në çifte që s’mundin të bëjnë fëmijë në rrugë natyrale, ishin thjesht një iluzion, ndërsa sot mund të shmanget falë këtyre shërbimeve të reja. “Paralelisht me kontracepsionin dhe planifikimin familjar është me vend të përmenden edhe dy forma të tjera të rregullimit të fertilitetit: aborti dhe kontracepsioni i urgjencës. Dy metoda të lejuara me ligj dhe Ministria e Shëndetësisë me të gjithë mekanizmat e saj do të bëjë të mundur monitorimin rigoroz të zbatimit të ligjit dhe është në proces të përgatitjes së një udhëzimi të veçantë në lidhje me abortin për të qenë të sigurt dhe të kontrolluar, duke u dhënë fund abuzimeve. Në këtë kontekst vjen dhe hapja e klinikës së fertilitetit pranë spitalit “Hygeia”, si një vlerë e shtuar në shërbim të gjithë popullatës në moshë seksualisht aktive, duke ofruar më shumë zgjedhje në kontekstin shqiptar dhe më shumë zgjidhje për problemet e shqiptarëve për gjithë gamën e problematikave të fertilitetit”, – deklaroi Tavo.

Në pjesën dërrmuese evidentimi bëhet në stade të hershme

 1 në 100 foshnje lindin me keqformime

Kapja e hershme e problemeve me shikim e dëgjim

Moskryerja e analizave që në stadet e para të shtatzënisë mban ende të lartë numrin fëmijëve që lindin me keqformime të llojeve të ndryshme. Sipas të dhënave të raportuara nga strukturat shëndetësore, bëhet me dije se vendi ynë raporton se 1 në 100 fëmijë lind me keqformime të llojeve të ndryshme, duke filluar nga format më të lehta deri tek ato më të rëndat. Mjekët bëjnë me dije se pjesa dërrmuese e këtyre keqformimeve, ndonëse mund të jenë prezente në organizmin e fëmijës, manifestohen në stade të mëvonshme të rritjes, kohë në të cilën shfaqen edhe shenjat klinike të dukshme.

Një grup tjetër keqformimesh janë edhe ato të që kanë të bëjnë me paaftësitë mendore e fizike të renda. Kundrejt këtyre problematikave mjekët shqiptarë konfirmojnë se disa lloje të këtyre diagnozave do të eliminoheshin dhe trajtoheshin me efikasitet të lartë nëse në Shqipëri do të zhvilloheshin analiza specifike që gjatë shtatzënisë, ku për një pjesë të këtyre keqformimeve analizat mungojnë. Mjekët pediatër kanë kërkuar që në shkolla të plotësohet një formular për të kapur hershëm problemet në shikim apo dëgjim të fëmijëve. Krahas faktorëve gjenetikë një ndikim negativ në shfaqjen e këtyre keqfomimeve luajnë edhe faktorë të tjerë, si mjedisi dhe regjimi ushqimor i ndjekur.

11.07.2012

Burimi: Gazeta Metropol

The post Lindjet natyrale, 12 për qind e çifteve shqiptare me probleme (Burimi: Gazeta Metropol, www.gazetametropol.com ) appeared first on Lajme shqip.

Partia Socialiste në një deklaratë për shtyp e ka thërritur kryeministrin Sali Berisha në interpelancë për korrupsioni me kromin.

Deputetët socialistë bëjnë me dije se nuk është marrë asnjë përgjigje nga Kuvendi, pasi kërkesa për interpelancë krymeminstrit i është bërë para 2 muajve.  Sipas PS-së neglizhenca e Kuvendit ka shënuar kështu një precedent tejet të rrezikshëm për funksionimin e demokracisë parlamentare.

Sipas deputetëve kjo interpelancë ka si objekt zbatimin e marrëveshjeve koncesionare për shfrytëzimin e kromit në Bulqizë dhe problemet e shumta që lidhen me këtë çështje.

“Ju kujtojmë se marrëveshja koncesionare është miratuar nga Kuvendi me 2 ligje të posaçme, përkatësisht me ligjin Nr 8590. Dt. 23.03.200 dhe ligjin Nr. 8791, dt. 10.05.2001 dhe si i tillë i nënshtrohet kontrollit të zbatueshmërisë së saj nga Parlamenti. Ju kujtojmë se kryeministri Sali Berisha nuk është paraqitur asnjëherë në Parlament për të dhënë shpjegime në lidhje me marrëveshjen koncesionare për shfytëzimin e kromit në Bulqizë edhe pse situata është tejet e rënduar si pasojë e shfytëzimit pa asnjë kriter e në kapërcim të çdo caku ligjshmërie me pasoja fatale për humbjen e jetëve të 70 minatorëve dhe gjymtimin e shumë të tjerëve”, thuhet në kërkesën e PS-së

Ndërsa kanë shprehur shqetësimin e tyre për gjendjen në Bulqizë, PS-ja i ka kërkuar kryetares së Kuvendit të lejojë zhvillimin e interpelancës urgjente me kryeministrin duke zbatuar rregulloren e Kuvendit e duke garantuar njëkohësisht të drejtën e Kuvendit dhe detyrimin absolut të kryeministrit për llogaridhënie para deputetëve.

10.07.2012

Burimi: Gazeta Shekulli 

‘Bulqiza’, Grupi i PS: Interpelancë me Berishën

TIRANE- Grupi parlamentar i PS-se ka perseritur kerkesen per interpelance me kryeministrin Sali Berisha per zbatimin e marrëveshjeve koncesionare për shfytëzimin e kromit në Bulqizë dhe problemet e shumta që lidhen me këtë çështje.

“Ju kujtojmë se marrëveshja koncesionare është miratuar nga Kuvendi me 2 ligje të posaçme, përkatësisht me ligjin Nr 8590. Dt. 23.03.200 dhe ligjin Nr. 8791, dt. 10.05.2001 dhe si i tillë i nënshtrohet kontrollit të zbatueshmërisë së saj nga Parlamenti”- thuhet ne kerkesen e PS.

Sipas saj, deputetet kujtojnë se kryeministri Sali Berisha nuk është paraqitur asnjëherë në Parlament për të dhënë shpjegime në lidhje me marrëveshjen koncesionare për shfytëzimin e kromit në Bulqizë.

Kjo, edhe pse sipas PS, pse situata është tejet e rënduar si pasojë e shfytëzimit pa asnjë kriter e në kapërcim të çdo caku ligjshmërie me pasoja fatale për humbjen e jetëve të 70 minatorëve dhe gjymtimin e shumë të tjerëve.

10.07.2012

Burimi: Gazeta Panorama

Berisha prej dy muajsh shmang interpelancën për mafien e kromit, PS kërkesë sërish në Kuvend

Partia Socialiste prej dy muajsh ka dorëzuar në Kuvend një kërkesë për interpelancë me kryeministrin Berisha për mafien e kromit në Bulqizë, por çuditërisht ende nuk ka marrë asnjë përgjigjie. Për këtë arsye, deputetët socialistë i kanë dorëzuar një tjetër kërkesë Kuvendit.

Në kërkesën e tyre, deputetët socialistë theksojnë se pas më shumë se 2 muaj pas depozitimit të kërkesës së parë për interpelancë me kryeministrin nuk është marrë asnjë përjgigje nga Kuvendi duke shënuar kështu një precedent tejet të rrezikshëm për funksionimin e demokracisë parlamentare.

Deputetët socialistë thonë se kjo interpelancë ka si objekt zbatimin e marrëveshjeve koncesionare për shfytëzimin e kromit në Bulqizë dhe problemet e shumta që lidhen me këtë çështje.

“Ju kujtojmë se marrëveshja koncesionare është miratuar nga Kuvendi me 2 ligje të posaçme, përkatësisht me ligjin Nr 8590. Dt. 23.03.200 dhe ligjin Nr. 8791, dt. 10.05.2001 dhe si i tillë i nënshtrohet kontrollit të zbatueshmërisë së saj nga Parlamenti. Ju kujtojmë se kryeministri Sali Berisha nuk është paraqitur asnjëherë në Parlament për të dhënë shpjegime në lidhje me marrëveshjen koncesionare për shfytëzimin e kromit në Bulqizë edhe pse situata është tejet e rënduar si pasojë e shfytëzimit pa asnjë kriter e në kapërcim të çdo caku ligjshmërie me pasoja fatale për humbjen e jetëve të 70 minatorëve dhe gjymtimin e shumë të tjerëve” thuhet në kërkesën e PS-së.

PS-ja i ka kërkuar kryetares së Kuvendit të lejojë zhvillimin e interpelancës urgjente me kryeministrin, duke zbatuar rregulloren e Kuvendit e duke garantuar njëkohësisht të drejtën e Kuvendit dhe detyrimin absolut të kryeministrit për llogaridhënie para deputetëve.

10.07.2012

Burimi: Gazeta Tema

The post PS: Berisha të jap interpelancë për kromin (burimet: gazeta shekulli, www.shekulli.com.al, gazeta panorama, www.panorama.com.al, gazeta tema, www.gazetatema.net ) appeared first on Lajme shqip.