VLORE –

Të parët që kanë mbërritur në Vlorë ka qenë grupi i sigurisë së Kryeministrisë të cilët së bashku me Policinë e Vlorës po krijojnë planin e masave të sigurisë.

Sipas drejtorit të Muzeut të Vlorës, Agron Shehu, mbledhja e nesërme do të zhvillohet në katin e dytë të ndërtesës, pikërisht në dhomën e Këshillit të Ministrave, ku kryeministri Berisha do të jetë në vendin e Ismail Qemalit.

“Të gjitha masat janë marrë që mbledhja të zhvillohet pikërisht tek ajo që quhet salla e mbledhjeve të Këshillit të Ministrave. Kjo do të jetë një mbledhje e radhës e Këshillit të Ministrave siç ka qenë dikur, 100 vjet më parë,
pikërisht mbledhja e 4 dhjetorit, e cila konsiderohet si ajo që konfirmoi plotësisht qeverinë.”- u shpreh Shehu.

Muzeu që prej ditës së sotme deri në përfundim të mbledhjes do qëndrojë i mbyllur për publikun, ndërsa masat e sigurisë në ndërtesë do të jenë të larta.
Gjika
Kryebashkiaku i Vlorës, Shpëtim Gjika një ditë para se në Vlorë të shkojë kabineti qeveritar me në krye kryeministrin Berisha, deklaroi dje se do ta presë atë, por sipas tij, kjo qeveri nuk ka asgjë të përbashkët me atë të Ismail Qemalit para 100 vitesh. “Në atë shtëpi më 4 dhjetor të 1912 është bërë me të vërtetë mbledhja e parë e qeverisë së Ismail Qemalit, kanë qenë 12 ministra, por përpara se të kishin portofole ministrore ishin 12 patriotë shqiptarë që sakrifikuan gjithçka nga jeta, nga benefitet për ta bërë Shqipërinë. Ndërsa nesër (sot) në atë vend për fat të keq do të ulen vetëm 16 a 17 portofole qeveriste që s’kanë asgjë të përbashkët me kontributet që ka dhënë qeveria e Ismail Qemalit”, tha ai. Gjika shtoi se kryeministri duhet t’ju kërkojë falje nesër vlonjatëve për investimet e munguara në tetë vite, por edhe pse siç tha ai, donte t’i zbehte Vlorës festën e Pavarësisë, për ta zhvendosur në Tiranë. “Ashtu sikurse kam ditur ta pres kryeministrin që në vitin 2005 në Vlorë, se vinte me një projekt serioz siç ishte rehabilitimi dhe përmirësimi i infrastrukturës së rrugës Trans-Ballkanike, unë do ta pres dhe nesër (sot), në rast se në këtë mbledhje do i kërkojë falje qytetarëve të Vlorës për investimet e munguara në qytet në 8 vite. Do ta pres në rast se do t’i kërkojë falje qytetarëve dhe historisë në lidhje me dëshirën e tij të errët për të spostuar vendin dhe rëndësinë e Vlorës në 100 vjetorin e Pavarësisë. Do ta përshëndesja nëse nesër ai dhe qeveria që përfaqëson do deklarojë investime për qytetin dhe qytetarët”, – tha Gjika. Ai shtoi se flamurin e ngritur në Vlorë me rastin e 100-vjetorit të Pavarësisë ai do ta dorëzojë në Muzeun e Pavarësisë. “Ky është flamuri që është ngritur në Vlorë më 28 Nëntor me rastin e 100 vjetorit të Pavarësisë. Do ta dorëzoj në Muzeun e Pavarësisë që 1 mijë vite më pas qytetarët të kenë mundësi ta shohin dhe ta prekin”, – tha Gjika. Ndërkohë të rinjtë e FRESSH të Vlorës e kanë quajtur dje mbledhjen e qeverisë “Sali Baba dhe 40 Hajdutë” ndërkohë që paralajmëroi se “do të organizojmë nesër (sot) një protestë jashtë ambjenteve të muzeut gjatë zhvillimit të mbledhjes së qeverisë”.

04.12.2012

Burimi: Balkanweb

The post Qeveria sot në Vlorë. Berisha në vendin e I.Qemalit (Burimi: Balkanweb, www.balkanweb.com) appeared first on Lajme shqip.

Qeveria ul tarifat me 50%, por shoqata mban qira të lartë

Kush vizitoi vitin e kaluar Panairin e Librit do të ketë ndjerë edhe aromën e qofteve të skarës, nën shoqërimin e këngëve sllave. Mjaftoi publikimi i lajmit në media, duke shkaktuar indinjatë, dhe qoftet bashkë me tingujt e muzikës u hoqën menjëherë në ditën e dytë të aktivitetit. Çfarë i lidhte qoftexhinjtë sllavë me panairin tonë të librit, më i rëndësishmi, jo vetëm për lexuesit shqiptar të Shqipërisë, por anembanë trevave? Organizatori!

Këtë vit skara që mbyste me tym ambientet e panairit me libra nuk është, por është kompania që realizon panairin, e cila vjen nga Serbia. E quajtur “Mundial”, me seli në Beograd, shoqëria ka marrë përsipër organizimin e Panairit të Librit “Tirana 2012”. Kjo nuk është hera e parë, pasi kjo shoqëri, e specializuar për të tilla organizime, ka qenë e pranishme edhe në aktivitete të tjera të Shoqatës së Botuesve në Shqipëri.

Edhe këtë vit, kjo shoqatë kontraktoi shërbimet e shoqërisë serbe, ku pavarësisht kostove të transportit, nga njëri shtet në tjetrin, të qëndrimit të stafit për disa ditë në Tiranë, etj., u lidh sërish, ndonëse në treg ekzistojnë shumë kompani vendase me tarifa më konkurruese.

Natyrshëm që shoqëria e huaj, për shërbimet që ofron, llogarit në kosto edhe distancën. Faktet tregojnë se shoqëri të njohura greke apo italiane kanë tentuar të organizojnë panaire në Tiranë, por pas eksperiencës së vitit të parë, nuk e kanë përsëritur më, pasi ka kosto, ose u duhet të aplikojnë tarifa shërbimi të larta për pjesëmarrësit.

Botuesit e librit, për të marrë pjesë në panair, i cili zhvillohet një herë në vit, kanë paguar tarifa të pjesëmarrjes mesatarisht 60 euro për metër katror, për 5 ditë qëndrimi. Çmimi varion nga 50 deri në 70 euro tek holli dhe ku pjesa dërrmuese ekspozohen në këtë ambient. Pastaj është kati i dytë dhe i treti, por në tërësi, organizatorët marrin me qira nga shteti rreth 4 mijë metra katrorë.

Shoqata e Botuesve është organizatorja, kurse realizuesi është shoqëria serbe, e cila llogarit kostot që duhen për vendosjen e pajisjeve, etj. Nga qeveria, pronare e Pallatit të Kongreseve, ku organizohet panairi, shoqata merr me qira ambientin, me tarifë 300 lekë për metër katror për hollin dhe zbret në 250 lekë (pa TVSH, në ditë) për katet e mësipërme. Organizatori nuk i paguan qira shtetit për pesë ditët e panairit, por këtu futen edhe tri ditët e përgatitjeve, plus një ditë tjetër për mbylljen (pra katër ditë), por duke qenë se paguhet vetëm 25 për qind e çmimit, llogaritet vetëm një ditë. Në pamje të parë duket se përfitimi del i lartë, megjithatë, nëse llogariten edhe shpenzimet, ka një tkurrje, por gjithsesi me diferenca të konsiderueshme.

Nëse për organizimin e Panairit të Librit, llogaritet kostoja mesatare prej 45 eurosh (futen ditët me qiranë, hapësirat e papërdorshme-firot, pajisjet, etj., etj.), dhe organizatori i merr pjesëmarrësit një çmim mesatar prej 60 eurosh për metër katror (për 5 ditët e qëndrimit), atëherë këtu duhet të lindë kërkesa e llogarisë dhe bërja transparente e të ardhurave që krijon shoqata. Janë 2400 metra katrorë që jepen mesatarisht për 60 euro për metër katror, ose më saktë me 15 euro më shumë, nga kosto reale (45 euro), pra ka diferenca të palogjikshme për një shoqatë jofitimprurëse.

Këto janë llogari me tarifat zyrtare të qeverisë, pra me 300 lekë dhe 250 lekë (2 dhe 1.5 euro) për metër katror/ditë, që ia vendos organizatorit të panairit, pasi në rast se do të kryheshin analiza duke marrë në konsideratë VKM e miratuar dje, që përgjysmon tarifën vetëm për Panairin e Librit, diferencat plus për shoqatën bëhen edhe më të larta (pa përjashtuar edhe mbështetjen financiare të Bashkisë së Tiranës, sipas deklaratës së kryetarit Basha). Këtë ulje që vjen nga vullneti i qeverisë, organizatori duhet ta reflektojë edhe te pjesëmarrësi, por tarifa ka mbetur e njëjtë, 60-70 euro/metri. Ndoshta shoqata u bën zbritje botuesve pjesëmarrës, por vitin e kaluar, qeveria i uli sërish tarifat e qirave dhe kostoja e pjesëmarrjes mbeti e njëjtë.

15.11.2012

Burimi: Gazeta Shqip

The post Kompania serbe organizon Panairin e Librit shqiptar (Burimi: Gazeta Shqip, gazeta-shqip.com) appeared first on Lajme shqip.

Përmbajtja e squfurit në lëndët djegëse të lëngëta të rënda pas datës 31 dhjetor 2013 nuk duhet të kalojë 3% ndaj masës, ndërkohë që pas datës 31 dhjetor 2014 nuk duhet të kalojë 1% ndaj masës.

PËRMBAJTJA E SQUFURIT
Vendimi përcakton se në territorin e Republikës së Shqipërisë, duke filluar nga data 31 dhjetor 2012 do të lejohet si lëndë djegëse për përdorim termik, civil e industrial, vetëm tregtimi i lëndëve vajguri; lëndë djegëse të lëngëta, fraksione të mesme; gazoil me një përmbajtje squfuri më tepër se 0.001% ndaj masës, por jo më tepër se 0.002% ndaj masës; gazoil me një përmbajtje squfuri më tepërse 0.002% ndaj masës, por jo më tepër se 0.1% ndaj masës; ose gazoil me përmbajtje squfuri më tepër se 0,1% ndaj masës, por jo më tepër se 1%) ndaj masës, që plotëson kërkesat e standardit shqiptar. Në territorin e Republikës së Shqipërisë, duke filluar nga data 31 dhjetor 2012 do të lejohet, për qëllim përdorimi në mjete të transportit ujor (detar, lumor ose liqenor), vetëm tregtimi i  lëndëve djegëse të lëngëta marinë (marine fuel), që plotësojnë kërkesat e standardit shqiptar SSH ISO 8217 ose të standardeve të tjera, të barasvlershme me të, me përjashtim të kushtit për përmbajtjen e squfurit sipas përcaktimeve të reja ligjore.
STANDARDET
Qeveria i argumenton ndryshimet në ligj me përshtatjen e standardeve ndërkombëtare në fushën e hidrokarbureve si dhe me kushtet që duhen respektuar në kuadrin e mbrojtjes së mjedisit. Nëse si rezultat i një ndryshimi të papritur, në furnizimin e vendit me naftë të papërpunuar, produkte të naftës dhe hidrokarbure të tjera (ndërprerje e tregut), bëhet e vështirë, për të aplikuar kufizime për përmbajtjen maksimale të squfurit, ministria përgjegjëse për hidrokarburet, pas marrjes së miratimit prej Këshillit të Ministrave, të shprehur nëpërmjet vendimit përkatës, për këtë situatë do të informojë Sekretariatin e Komunitetit të Energjisë, në Vjenë, për procedim të mëtejshëm.

15.11.2012

Burimi: Balkanweb

The post Qeveria, norma të reja për karburantet (Burimi: Balkanweb, www.balkanweb.com) appeared first on Lajme shqip.

TIRANE -

Duke e vënë theksin tek planet e plota urbanistike për çdo qytet, kryeministri u bëri thirrje qeverive vendore t’i hartojnë ato, pasi do kenë edhe mbështetjen e plotë të qeverisë së tij.

“Të bëjmë gjithçka për të përfunduar planet urbanistike të qyteteve tona, të shpëtojmë nga planet pjesore, janë gjeneratorë të pabarazizë dhe deformimimit të hapësirave”, tha ai.

Berisha tha se në këto 20 vitet e fundit urbanizimi ka ndodhur me ritme të shpejta, ndërsa nënvizoi se spontaniteti dominoi mbi rregullin.

“Shqiptarët do lëvizin në çdo skaj të vendit, të jetojnë ku të duan. Detyra jonë është të planifikojmë, t’i paraprijmë këtij fluksi dhe të shmangim atë që ndodhi para 20 vitesh”, shtoi ai.

Ndër të tjera Berisha shtoi se “Është e domosdoshme që nga Velipoja në Ksamil t’i bëjmë plane urbanizimi të gjithë linjës bregdetare për të përmbushur një detyre historike”, tha ai.

Sipas tij duhet rregulluar edhe raporti i kombit me detin. “Në këtë proces duhet të rregullojmë një raport shekullor, që është raporti i kombit me detin. Shqiptarët i ka spostuar historia drejt maleve. Duhet të kthejme kombin me sytë nga deti. Të bëjmë që shqiptarët të përfitojnë maksimumin e mundshëm nga pasuria e pafundme e detit”, tha Berisha.

Kryeminstri theksoi se, “krahas zonave turistike duhet të përcaktojmë zonat rezidenciale. Kemi një breg të gjatë, pothuajse 400 kilometra me potenciale të mëdha zhvillimore dhe është e domosdshme që nga Velipoja në Kasmil të behën planet urbanistike të të gjithë linjës bregdetare, me synimin për të pëmbushur një detyrë historike për të kthyer kombin me sytë nga deti”.

14.11.2012

Burimi: Balkanweb

The post Berisha: Vendorët plane të plota urbanizimi, të mos ketë deformim (Burimi: Balkanweb, www.balkanweb.com) appeared first on Lajme shqip.

TIRANE -

Për organizimin e procedurave të nevojshme ndërshtetërore për të sjellë në atdhe eshtrat e Mbretit Zog I, ngarkohet Ministria e Punëve të Jashtme, nëpërmjet misionit diplomatik të Republikës së Shqipërisë në Republikën Franceze.

Qeveria vendosi që ceremonia shtetërore e kthimit në atdhe të eshtrave të Mbretit Zog I, të organizohet më 17 Nëntor 2012.

Për zbatimin e këtij vendimi ngarkohen Ministria e Brendshme dhe Ministria e Punëve të Jashtme.

16.10.2012

Burimi: Gazeta Shekulli

The post Qeveria vendos kthimin në atdhe të eshtrave të Mbretit Zog I (Burimi: Gazeta Shekulli, shekulli.com.al) appeared first on Lajme shqip.

“Në mbështetje të nenit 100 të Kushtetutës dhe të pikës 2, të nenit 6,  të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave, vendosi: Z. Arben Ristani emërohet zëvendësministër i Brendshëm. Ky vendim hyn në fuqi menjëherë”.

Emërimi i tij në këtë post vjen në një kohë kur ka vetëm pak ditë që nuk është më kreu i KQZ-së, pasi në krye të këtij institucioni është zgjedhur Lefterie Lleshi.

Ky vendim i qeverisë pritet të sjellë provokojë reagim të opozitës, pasi Ristani është akuzuar nga PS se ka marrë vendim të njëanshme në favor të PD-së gjatë drejtimit të KQZ-së në dy proceset e fundit zgjedhore.

16.10.2012

Burimi: Gazeta Shekulli

The post Arben Ristani bëhet zv.ministër i Brendshëm (Burimi: Gazeta Shekulli, shekulli.com.al) appeared first on Lajme shqip.

“Jemi përpjekur të gjejmë stimuj më të përshtatshëm për të nxitur investimet”, u shpreh Berisha përpara nisjes së mbledhjes së qeverisë. Shefi i ekzekutivit, njoftoi se Qeveria ka autorizuar KESH-in të marrë 40 milionë euro kredi për importin e energjisë. Sipas Berishës, një pjesë e blerjes së energjisë të bëhet nga HEC-et e reja. “Blerja e energjisë është detyrim i CEZ, i cili nuk e ka përmbushur”, u shpreh Berisha. Duke folur për gazjellësin transadriatik, Berisha u shpreh se ky projekt do të përmirësojë ndjeshëm balancën e pagesave.

Ndërsa një pikë tjetër e mbledhjes ishte edhe miratimi i ligjit për amnistinë, në kuadër të 100-vjetorit të Pavarësisë, nga i cili do të përfitojnë të dënuarit e veprave penale me rrezikshmëri shoqërore të ulët.

10 tetor 2012

Burimi: Gazeta Shqip

The post Berisha: KESH 40 milionë euro kredi për import energjie (Burimi: Gazeta Shqip, gazeta-shqip.com) appeared first on Lajme shqip.

Më parë, Pallati i Kongreseve ishte nën administrimin e Këshillit të Ministrave dhe Drejtorisë së Shërbimeve Qeveritare. Me ndryshimin e pronësisë, Bashkia e Tiranës pritet të rrisë ndjeshëm të ardhurat nga aktivitetet e shumta, që zhvillohen në këtë godinë, ndërkohë që nuk dihet fati i punonjësve, të cilët punonin në këtë godinë, e cila u ndërtua para viteve ‘90.

09.10.2012

Burimi: Balkanweb

The post Berisha i jep Pallatin e Kongreseve Lulzim Bashës (Burimi: Balkanweb, www.balkanweb.com) appeared first on Lajme shqip.

Opozita paraqet një tjetër skandal të Ministrisë së Mbrojtjes. Nënkryetari i Komisionit parlamentar të Sigurisë, socialisti Ilir Gjoni, gjatë fjalës së tij në Parlament paraqiti një tjetër fakt në vazhdën e skandaleve të dikasterit të mbrojtjes, që drejtohet nga Arben Imami. Janë blerë pajisje përgjimi nga Shërbimi Informativ i Ushtrisë, ndërkohë që ligji nuk ia lejon. “Ligji i SHIU-t e përcakton qartë misionin e tij. Në asnjë rast nuk thotë që SHIU kryen operacione luftarake. Edhe në Tabelën e Organizimit dhe Pajisjeve (TOP) të SHIU-t nuk figuron një gjë e tillë. Dhe për dijeninë e opinionit, TOP është miratuar po nga ky ministër. E dyta që është më e rënda, lidhet me prokurimin e pajisjeve të interceptimit në bazë të urdhrit nr. 146, datë 3.2.2011, “Për blerjen e pajisjeve operacionale për mbështetjen me inteligjencë të kontigjentëve të FA-së jashtë vendit”, të firmosur nga Imami me vlerë 1.589.400 euro. Ku qëndron problemi këtu. Urdhri i ministrit thotë që ato pajisje duhen në mbështetje të trupave tona jashtë. Këtu fillon problemi me ligjin. Dihet se me ligj interceptimet në Republikën e Shqipërisë, të paktën atë që njohim ne e jo atë që ka ndër mend Saliu e Imami, autorizon vetëm prokurorinë dhe gjykatat për të autorizuar kryerjen e interceptimeve. Në mund të justifikohet se ne nuk i kemi për përdorim brenda territorit. Shumë mirë. Atëherë ministri që ka qejf t’i referohet shumë NATO-s dhe që fatkeqësisht e përdor atë si mburojë për abuzimin e korrupsionin e vet, a mund të na thotë nëse trupat tanë në Afganistan a gjetkë veprojnë në mënyrë autonome apo janë nën komandën e një force të një shteti aleat. Fakti është që ne gjithmonë kemi qenë nën komandën herë të turqve, italianëve, amerikanëve etj. Aktualisht jemi nën komandën e tyre”, theksoi Gjoni. Nënkryetari i Komisionit të Sigurisë kërkoi të dijë nëse ministri ka informuar shërbimin sekret të NATO-s, NOS për blerjen e një pajisjeje të tillë. “A ka pasur korrespondencë ministri me NATO ( NOS) për blerjen e këtyre pajisjeve dhe përdorimin e tyre në teatrin luftarak në Irak apo Afganistan. Cila ka qenë përgjigjja që ka marrë?. Mund të thuhet që nuk i kemi çuar jashtë.

Po çfarë keni bërë me to? I keni të magazinuara apo i keni përdorur brenda territorit të vendit. Nëse po a e keni informuar Prokurorinë e Përgjithshme dhe gjykatat? Të gjitha këtyre pyetjeve duhet t’u përgjigjet Imami dhe e vërteta për to fshihet pas mureve të Ministrisë së Mbrojtjes, mure të cilat çdo ditë e më shumë sa vijnë e hollohen, ndërkohë që zyrtarët e korruptuar të kësaj ministrie trashen”, theksoi Gjoni. Deputetët e opozitës gjatë diskutimeve jashtë rendit të ditës në seancën e Kuvendit kanë diskutuar për skandalin e Ministrisë së Mbrojtjes. “Veprimtaria juaj në MM, që në mjaft raste ka cenuar deri edhe Kushtetutën e vendit, ka degjeneruar procesin e modernizimit të FA, ka shpërfytyruar personelin dhe ka shkatërruar kohezionin në FA, e sidomos ka implikuar strukturat e MM, në tregti të paligjshme të aseteve të ushtrisë dhe në veprimtari të tjera jashtë misionit kushtetues të tyre, tashmë është vërtetuar plotësisht me dokumente, të cilat kanë marrë, dhënë, e madje po gjenden tufa-tufa nëpër lokale e kafene luksoze të Tiranës. Ndërsa ju akuzoni opozitën për nxjerrje të dokumenteve sekrete!!!!”, tha socialisti Piro Lutaj. Më tej ai theksoi se “thirrja ime për Arben Imamin është: Ju nuk mund ta nxirrni dot opozitën shqiptare jashtë institucioneve të shtetit shqiptar. Prandaj hapeni bunkerin tuaj, atë që shqiptarët e njohin si Ministria e Mbrojtjes, me qëllim që deputetët të ushtrojnë funksionin e tyre ligjor. Në të kundërt, për shkak të bunkerizimit që i keni bërë MM, por edhe për shkak të paaftësisë së njerëzve tuaj, po të fluturojnë nga dritaret e “bunkerit tënd”, shkresa e dokumente madje edhe me siglën “Sekret” e “Tepër sekret” që tregojnë për veprime rrëqethëse në dëm të Sigurisë Kombëtare”. Deputeti i PS-së, Gazmir Bizhga, në fjalën e tij tha se “era e rëndë e korrupsionit që vjen nga aferat e Ministrisë së Mbrojtjes, ka kohë që ka marrë dhenë. Në krye të gjithë kësaj maskarade qëndron SHIU, të cilin e ka kthyer në hijen e dikurshme të Sigurimit të Shtetit, që përgjon PS-në, deputetët e saj, median e lirë, shoqërinë civile, analistët dhe në fund edhe vetë trupin diplomatik. Këtë shërbim të keqpërdorur, ministri pasi e pajis me përgjues të gjithfarëllojshëm, e armatos me armë speciale në kundërshtim me ligjin, e kthen si dikur në armën famëkeqe të SHIK-ut në qeverisjen e Saliut të parë”.

1.589.400 euro – Imami ka urdhëruar blerjen e pajisjeve të posaçme të përgjimit, Prokurimi i Ministrisë së Mbrojtjes kap vlerën 1.589.400 euro

3 shkurt - Urdhri nr.146 është firmosur nga vetë ministri Imami më 3 shkurt të 2011 për prokurimin e pajisjeve të interceptimit nga SHIU

NOS - PS kërkoi të dijë nëse vendimi për blerjen e pajisjeve është konsultuar me NOS, Drejtorinë e Shërbimit Sekret të NATO-s

Dyshimi - PS ka ngritur dyshimet e saj se pajisjet e perceptimit të blera nga Imami janë përdorur për përgjimin e drejtuesve të opozitës

Gjoni - Me ligj interceptimet në Republikën e Shqipërisë, të paktën atë që njohim ne e jo atë që ka ndër mend Saliu e Imami, autorizon vetëm prokurorinë dhe gjykatat për të autorizuar kryerjen e interceptimeve

Lutaj - Veprimtaria juaj në MM, që në mjaft raste ka cenuar deri edhe Kushtetutën e vendit, ka degjeneruar procesin e modernizimit të FA, e sidomos ka implikuar strukturat e MM, në tregti të paligjshme.

05.10.2012

Burimi: Gazeta Shqip

The post Skandali i ri. U blenë aparatura. Përgjimi me vlerë 1,58 milionë euro (Burimi: Gazeta Shqip, gazeta-shqip appeared first on Lajme shqip.

TIRANE -

Shefi i qeverisë theksoi se Shqipëria është e gatshme të japë kontributin e saj modest, për të ndalur gjakderdhjen në Siri.

“Në rast se NATO nuk do të ndërhynte në Ballkan, kasapi i Ballkanit do të grinte mbi 1 milion shqiptarë. Në rast se Sadami nuk do të përmbysej sërish do të ishte në pushtet ose ai ose i biri. Në rast se libianët nuk do të ndihmoheshin, Gedafi ose i biri do të ishin akoma atje. Asadi do të vazhdojë kasapanën nëse nuk ndërhyjmë në Siri. Të bëhet gjithçka dhe kjo Asamble të bëhet promotor i një ndërhyrje të fuqishme për t’i dhënë fund provokacioneve të diktatorit, për të nxjerrë konfliktin jashtë vendit të tij. Shqipëria është e gatshme të japë kontributin e vet modest.”- u shpreh kryeministri.

Kryeministri theksoi se si anëtare e NATO-s, jemi të vendosur të japim kontributin tonë në të gjitha operacionet e NATO-s.

Dy ditë më parë ushtria turke qëlloi me artileri objektiva në Siri, si kundërpërgjigje pasi bombardimet nga Siria goditën një fshat kufitar në Turqi, duke lënë të paktën pesë të vrarë, 2 gra dhe 3 fëmijë, dhe nëntë të plagosur.

Shumë ushtarë sirianë humbën jetën nga bombardimet e ushtrisë turke në rajonin e Rasm al-Ghazal, pranë qytetit Tal Abiad, në kufirin mes Sirisë dhe Turqisë. Parlamenti turk autorizoi ushtrinë të ndërhyjë ushtarakisht në Siri. Ligjvënësit turq votuan me 320 vota pro ndërhyrjes ushtarake. 129 deputetë votuan kundër.

Qeveria shqiptare dënoi të enjten goditjen me artileri të forcave ushtarake siriane, të territorit të Turqisë, që u shoqërua me viktima në popullsinë civile, si një akt të rëndë, dhunim të normave dhe ligjeve ndërkombëtare, cënim të integritetit territorial dhe sovranitetit të Republikës së Turqisë.

Zyra e shtypit e Kryeministrisë bën të ditur se qeveria shqiptare mbështet autoritetet turke dhe e cilëson të ligjshëm reagimin e Turqisë.
“Bombardimi i territorit turk nga diktatori sirian, është një thirrje tjetër për t’i dhënë atij përgjigjen më të merituar.”- përfundon njoftimi.

05.10.2012

Burimi: Balkanweb

The post Berisha: Të bëhemi promotorë për ndërhyrje të fuqishme në Siri (Burimi: Balkanweb, www.balkanweb.com) appeared first on Lajme shqip.