Ky sistem mund të rrëzojë paralelisht dy avionë pa pilot që fluturojnë me shpejtësi të lartë në qiell, pasi është e pajisur me dy armë lazer. Gjatë testimit, arma përdori një radar dhe një sistem optik për të gjurmuar dy avionët që po vinin me shpejtësi 50 metra në sekondë dhe i rrëzoi, kur po arrinin sektorin e programuar për zjarr.

Kompania sqaron se kjo armë mund të ndajë në dysh një tra çeliku që ndodhet një kilometër larg ndërsa në të ardhmen po planifikon që ta bëjë këtë armë të lëvizshme dhe të integrojë në të edhe një top automatik.

09.01.2013

Burimi: Gazeta Shekulli

The post Gjermani, armë me lazer, rrëzon 2 avionë njëkohësisht (Burimi: Gazeta Shekulli, shekulli.com.al) appeared first on Lajm-shqip.

TIRANË-

Asambleja e Çiklizmit u zhvillua në një ambient tjetër pas incidenteve, ndërkohë mësohet se ishte kjo e fundit që i propozoi shkarkimin e Musarait, Ministrisë ë Turizmit Kulturës Rinisë dhe Sporteve.

27.12.2012

Burimi: Balkanweb

The post Përplasje gjatë zgjedhjeve të kreut të Asamblesë së Çiklizmit, drejtuesi prish mbledhjen (Burimi: Balkanweb, www.balkanweb.com) appeared first on Lajm-shqip.

23.10.2012

Burimi: Gazeta Shekulli

The post Armstrong, çiklistit i hiqen 7 titujt si “mashtruesi më i madh” (Burimi: Gazeta Shekulli, shekulli.com.al) appeared first on Lajm-shqip.

Armstrong, i cili u tërhoq nga garat një vit më parë, vendosi të refuzonte procesin e arbitrimit nga USADA, pasi bëri të qartë se ishte lodhur duke luftuar pambarimisht ndaj akuzave që i bëhen për përdorim substancash të palejuara. Ai tregoi se kush kërkonte përgjigje, do ta gjente atë te qindra testet antidoping që ka bërë gjatë paraqitjeve të tij të jashtëzakonshme në Turin e Francës gjatë viteve 1999-2005.

“Vjen një moment në jetën e një njeriu kur ai duhet të thotë “mjaft”. Për mua ka ardhur kjo kohë. Jam përballur me akuza për mashtrim në sukseset e mia në Turin e Francës. Kjo ka ndikuar në jetën time familjare dhe punën për fondacionin e bamirësisë, ndaj më ka çuar te vendimi që kam marrë për t’i dhënë fund kësaj gjëje të pakuptimtë”, thuhej në deklaratën e Armstrong për “AP”.

Sipas USADA, kjo ishte prova e pranimit të fajit nga ish-çiklisti. “Kjo është një ditë e trishtueshme për të gjithë ne që dashurojmë sportin. Ky është një shembull trishtues për ata që duan të fitojnë me çdo kusht duke anashkaluar mundësinë që ta bëjnë këtë në rrugën me të ndershme dhe të sigurt. Nuk ka sukses kur dëshiron të mashtrosh”, ishte deklarata që bënë drejtuesit e USADA.

24.08.2012

Burimi: Gazeta Tema

The post Tronditet bota e sportit, Lens Armnstrong i hiqen 7 Turet e Francës për doping (Burimi: Gazeta Tema, www.gazetatema.net) appeared first on Lajm-shqip.

Njohuritë për lojërat e lashta kanë qarkulluar në literaturën mjekësore, madje para se Pierre de Coubertin t’i ringjallte Lojërat Olimpike në 1896. Një ese në gazetën mjekësore dhe kirurgjikale të Bostonit, rreth fuqisë së mendjes mbi trupin, përshkroi “grekun e vjetër i cili vdiq në vend nga gëzimi i tepruar, teksa shihte tre djemtë e tij të kurorëzoheshin me dafina në Lojërat Olimpike”(1851). Autorë të tjerë nxorën mësime nga trashëgimia e Lojërave Olimpike. Disa paralajmëronin se trajnimi i tepruar atletik devijonte energjitë nga zhvillimi mendor, duke i lënë adoleshentët “apatikë dhe të vonuar”. “Ishte vënë re në mënyrë të veçantë nga grekët se asnjë, që në djalëri fitoi çmim në Lojërat Olimpike, nuk u dallua kurrë më vonë.” (1867) Në kontrast, një rishikim i vitit 1891, shpresonin se edukatorët mund të mësonin nga teknikat e lashta dhe të përmirësonin trajnimin atletik në shkollat amerikane.

Kur filluan Lojërat moderne në Athinë, më 1896, mjekët ishin pak të interesuar. Interesimi më i madh i tyre ishte në maratonë. Nxehtësia dhe lagështia i munduan maratonistët në St. Louis në vitin 1904: ku nga 27, 14 e mbaruan garën. Fituesi, i cili u mbështet gjatë garës me sulfat striknine (krijon konvulsione muskulore, që mund të çojnë deri në vdekje), pesë vezë dhe konjak, si rrjedhojë iu nevojit ndihma e katër mjekëve. Nxehtësia shkaktoi gjithashtu probleme në Londër dhe në Stokholm. Kur lojërat rifilluan në vitin 1920 në Antwerp, atletët iu nënshtruan ekzaminimeve fizike. Shtetet e Bashkuara dërguan ekipin e parë të mjekëve në Olimpiadën e Parisit në vitin 1924. Mbikëqyrja e kujdesshme mjekësore vazhdon që atëherë.

Mjekët janë interesuar për Lojërat Olimpike për disa arsye. Në vitet 1920, ata hetuan limitet e fiziologjisë njerëzore. Një grup studioi rremtarët e Yale-s, të cilët fituan medalje ari në Paris. Një mekanizëm i zgjuar zbuloi se në shpejtësinë e tyre garuese – 19.3 kmh – tetë burrat prodhonin katër kuaj fuqi, një rritje 20-fish e metabolizmit në qetësi (1925). Një studim i vitit 1937, i publikuar në gazetë, tregoi se atletët e Olimpiadës së Berlinit, të vitit 1936, konsumonin 7300 kalori në ditë.

Disa herë vetë vendi organizues u bë problem. Shtetet e Bashkuara kërcënuan se do të bojkotonin Olimpiadën e Berlinit, derisa Hitleri u zbut dhe lejoi atletët e zinj dhe hebre të konkurronin. Politika e bojkotit doli përsëri në sipërfaqe në Olimpiadën e Moskës, të vitit 1980, kohë kur marrëdhëniet midis SHBA-së dhe Rusisë ishin të tendosura, si pasojë e pushtimit Sovjetik të Afganistanit. Vende të tjera organizatore krijuan shqetësime mjekësore. Roger Bannister, i cili ishte personi i parë që vrapoi një milje, më pak se 4 minuta, “disaprovoi plotësisht” mbajtjen e lojërave të vitit 1968 në lartësi të madhe në Mexico City. Dhe vërtet, disa qindra atletë pësuan kolaps në atë Olimpiadë, nga migrena, shoku, sinkopi, ose nga eksitimi emocional. Frika nga patogjenet lokale u shfaq para Olimpiadës në Seul (encefaliti Japonez) dhe Barcelona (streptokok rezistent ndaj shumë ilaçeve). Çdo paralajmërim u pasua me përgënjeshtrime të fuqishme. Ngjarjet Olimpike tërheqin sot miliona vizitorë dhe kërkojnë planifikim të kujdesshëm mjekësor. Frika nga terrorizmi u shfaq gjithashtu, sidomos pas atentatit me bombë në Atlanta, ku mbetën dy të vdekur dhe 111 të dëmtuar.

Siguria në sportin Olimpik ka mbetur një shqetësim i përhershëm. Akademia Franceze e Mjekësisë caktoi një komitet para Lojërave të Parisit në 1924, “për të studiuar efektet e atletikës moderne në sistemin njerëzor”. Testet rezultuese “zbuluan një numër alarmant rastesh të zemrës së atletit.” Studime pasuese, nga vitet 1920 (në atletë nga Olimpiada e Amsterdamit 1928) deri në vitet 1990 kanë prodhuar dëshmi kontradiktore, në lidhje me çështjen se trajnimi intensiv fizik mund të shkaktojë zmadhimin e zemrës. Disa sporte janë shqyrtuar në mënyrë të veçantë. Në prag të Olimpiadës së Atlanta-s, një shqyrtim i ashpër krahasoi gjimnastikën për femra me abuzimin e fëmijëve, duke argumentuar se, megjithëse “gjimnastika elitë mund të sigurojë një eksperiencë të thellë kuptimplotë për atletet,” ajo mund të rezultojë gjithashtu “në çrregullime serioze, jetë fizike dhe psikologjike kërcënuese.” Duke cituar dëmtime, çrregullime të të ngrënit dhe probleme sociale, autorët paralajmërojnë se “të rinjtë e talentuar, në çdo nivel konkurrues, duhen mbështetur në vend që të dëmtohen nga sporti i tyre, teksa hyjnë në moshë madhore.”

Një lloj tjetër kontrolli mjekësor doli në vitet 1950. Duke komentuar për një simpozium rreth “fiziologjisë Feidipiane (maratonomaku që përshkroi 40 km në Greqinë e vjetër)”, një artikull i vitit 1957 vuri në dukje përmirësimet dramatike në performancë. Çfarë e shpjegonte “këtë epidemi të thyerjeve të rekordeve”? Artikulli konsideroi kontribute të mundshme nga trajnimi, dieta, antibiotikët dhe motivimi, por u fokusua në “shpjegimin spekullativ”: “se amfetamina po përdorej nga disa atletë për t’i ndihmuar ata të thyenin ndryshe rekorde të pakundërshtueshme.” Praktika të tilla, nëse ndodhnin me të vërtetë, janë të rrezikshme dhe “etikisht të padëshirueshme.” Çdo dekadë, që kalon, sjell skandale të reja rreth drogave që rrisin performancën. Pasi Komiteti Olimpik i SHBA-së pranoi se shtatë çiklistë (përfshirë katër medalistë), kishin marrë transfuzione gjaku në Lojërat e Los Angeles-it, një artikull bombastik e dënoi këtë praktikë jo vetëm sepse ishte e rrezikshme, në mënyrë të veçantë në dritën e epidemisë së SIDA-s, por edhe se “përfaqëson një tentativë terapie mjekësore për t’i garantuar atletëve një avantazh konkurrues të padrejtë. “Kur Ben Johnson-it iu hoq medalja e arit në Olimpiadën e Seulit, në gazeta u shqyrtuan rreziqet mjekësore dhe pasojat ligjore të përdorimit të steroideve (1989). Më pas doli eritropoetina. Një fiziolog holandez shkroi në gazetë se “Lojërat e ardhshme Olimpike ishin quajtur tashmë “Olimpiada Hematokritit”” dhe detyrimi i mjekut u bë i qartë: “Profesioni mjekësor ka përgjegjësinë të shqyrtojë me kujdes këto pasoja të pafavorshme të zhvillimit shkencor”.

Drogat që përmirësojnë performancën i kanë hedhur një hije të gjatë lojërave Olimpike moderne. Nëse agjentët janë striknina, heroina, kokaina dhe morfina, që atletët e përdorën në Olimpiadën e Athinës në vitin 1896 ose amfetaminat, steroidet dhe eritropoetina, që e përdorin disa sot, dilema mbetet e njëjtë. Një specialist i mjekësisë sportive vuri në dukje, në vitin 2004, se “tërheqja nga drogat që përmirësojnë performancën është thjesht që ata të lejojnë përmbushjen e premtimit mitik të performancës atletike pa kufi, termi hubristik (krenari ekstreme dhe arrogancë) i Lojërave Olimpike ‘më shpejt, më lart, më fortë’. Sistemet pasuese të mbikëqyrjes mjekësore kanë çuar në mënyrë të pashmangshme në “një lloj të ri konkurrence”, ku disa atletë përpiqen të jenë një hap para autoriteteve.

Gara e armëve do të vazhdojë për sa kohë shkenca mjekësore prodhon mjete gjithnjë e më të reja për përmirësimin e performancës. A do të provojnë atletët në të ardhmen faktorët e rritjes ose terapinë gjenetike? Një gjë është e sigurt: Olimpiada do të mbetet një objekt i magjepsjes mjekësore.

06.08.2012

Burimi: Gazeta Shqip

The post Mjekësia dhe sukseset e olimpiadave (Burimi: Gazeta Shqip, gazeta-shqip.com ) appeared first on Lajm-shqip.

23.07.2012

Burimi: Gazeta Panorama

The post Turi i Francës, Bredli Uigins hyn në histori (Burimi: Gazeta Panorama, www.panorama.com.al ) appeared first on Lajm-shqip.

Spanjolli u distancua shumë nga të tjerët. Uigins ruan fanellën e verdhë

Luis Leon Sançez ka fituar me një diferencë të madhe nga ndjekësit etapën e 14 të Turit të Francës. Çiklisti spanjoll i skuadrës Rabobank ka lënë pas në momentet finale të garës Peter Sagani, Izaguirre, Kasarin dhe Gilbert. Ndërkohë që Sagan është përfshirë në një rivalitet të fortë edhe për vendin e dytë, por që në fund e ka fituar atë, duke grumbulluar pikë shumë të rëndësishme në garën për bluzën jeshile. Për momentin ekziston përshtypja se Sançez ka sulmuar me legjitimitet të plotë, duke qenë i qartë në synimet e tij drejt fitimit të garës. Gjithçka ndodhi në momentin që Sagan ishte duke u kthyer nga vendi ku ishte furnizuar: janë vetë imazhet që tregojnë një naivitet të sllovakut, i cili e ka paguar shtrenjtë atë që ka bërë. Ishte rrëzuar në etapën e parë; i kishin sugjeruar madje edhe tërheqjen, por Luis Leon Sançez as nuk ka dashur t’ia dijë. Në venat e tij qarkullon gjak luftaraku, dëshira për të sakrifikuar: suksesi në etapën e 14, e para e pireneike e këtij Turi, është shpërblimi i duhur për mosbraktisjen e një gare që e kishte parë të rrëzohej. Disa nga çiklistët kanë pasur probleme me gomat, mes të cilëve edhe Kadel Evans. Por kjo duket se do të jetë një çështje polemizuese në ditët e ardhshme. Ndërkohë që klasifikimi i përgjithshëm nuk ka ndryshuar. Në krye vazhdon të jetë Uigins, i cili ndiqet nga shoku i skuadrës, Kris Froom, dhe pas tyre vijnë Nibali, Evans dhe Van den Broek.

Atentati?!

Sançez fitoi etapën e 14 të Turit. I dyti u rendit Sagan. Të shumtë janë ata që ankohen pas kësaj gare, përfshirë dhe Evans: kishte gozhda në asfalt.

16.07.2012

Burimi: Gazeta Shqip

The post Fiton Sançez, befasohet në fund Sagan (Burimi: Gazeta Shqip, gazeta-shqip.com ) appeared first on Lajm-shqip.

Francezi është kontaktuar nga një trafikant i produkteve dopuese

Çiklisti francez, Remi di Gregorio, i ekipit Kofidis, është arrestuar të martën nga agjentë të policisë franceze dhe xhandarmërisë kundër dëmeve ndaj Mjedisit dhe Shëndetit Publik për një çështje të lidhur me dopingun. Sipas “L’Equipe”, Di Gregorio është kontaktuar në telefonin celular nga një “trafikant i mundshëm i produkteve dopues”. Di Gregorio ka qenë objekt i përgjimeve nga policia që në vitin e kaluar, kur ishte pjesë e ekipit Astana. Policia hyri mëngjesin e djeshëm në hotelin ku qëndrojnë çiklistët e Kofidis, në Bourg-en-Bresse. Përveç arrestimit të çiklistit 26-vjeçar francez, janë ndaluar edhe dy persona, të cilët mendohet se kanë lidhje me këtë çështje. Dje është mësuar zyrtarisht që kampioni i botës i kronometrit, Toni Martin, ka braktisur Turin e Francës pas nëntë ditësh kompeticion në mënyrë që të jetë i gatshëm për pjesëmarrjen në Lojërat Olimpike “Londër 2012”. Çiklisti gjerman ka dhembje në kyçin e dorës së majtë, pasi u rrëzua në etapën e parë të Turit të Francës, por ka vazhduar të xhirojë në të gjitha etapat. Dje përfundoi i 12-i në kronometrin e Besancon. “Kjo është gjëja e duhur për t’u bërë dhe jam i sigurt se djemtë do më kuptojnë. Kam tri javë kohë para Lojërave Olimpike dhe do të jap maksimumin për të qenë në formë për këtë eveniment”, u shpreh kampioni në fuqi i Xhiros së Belgjikës.

11.07.2012

Burimi: Gazeta Shqip

The post Hije dopingu, arrestohet çiklisti Remi Di Gregorio (Burimi: Gazeta Shqip, gazeta-shqip.com ) appeared first on Lajm-shqip.

Armstrong i ka hedhur poshtë akuzat, duke i konsideruar krejtësisht të pabaza. “Ndryshe nga sa pohojnë shumë nga akuzuesit të mi, unë kam garuar si një atlet profesionist për 25 vjet me asnjë njollë në performancat e mia, kam kaluar më shumë se 500 teste të antidopingut dhe kurrë nuk kam arritur të dështoj në ndonjë prej tyre”¸ka pohuar  Armstrong.
Derisa hetimet të jenë duke vijuar në lidhje me implikimin e tij në doping, Lens Armstrong, 40-vjeçar nuk ka të drejtë të marrë pjesë në gara.

14 qershor 2012

Burimi: Gazeta Shqip

The post Lens Armstrong mohon akuzat për doping appeared first on Lajm-shqip.