25.08.2012

Burimi: Gazeta Tema

The post Një hedhje që shkakton të dridhura (Burimi: Gazeta Tema, www.gazetatema.net) appeared first on Lajm-shqip.

Sporti ka qenë disa herë protagonist, ndërsa disa herë sportistët dhe të tjera herë polemikat e dështimeve. Shqipëria olimpike bën pjesë vetëm tek kjo e fundit, pasi në Londër 2012 nuk mundi të lërë asnjë shenjë, përjashto disa rekordeve personale të ndonjë sportisti, por që janë shumë pak po t’i krahasosh me objektivat për medalje. Shqipëria, gjatë këtyre ditëve, zien nga polemikat, përplasjet mes palëve, të cilat e kanë kthyer fajin e dështimit në një top futbolli, që shkon sa këtej andej. E ndërsa pritet të bëhet një analizë e thellë dhe objektive për rezultatet zhgënjyese në Olimpiadë, edhe pse ekipi olimpik që përfaqësoi vendin në Londër 2012 e ka përfunduar prej ditësh misionin e tij në këto lojëra olimpike, ende nuk e ka marrë rrugën e kthimit për në Shqipëri. Gara e fundit e kuqezinjve ishte ajo e qitësit Arben Kuçana në 50 metra pistoletë. Por pas mbylljes së garave të kuqezinjve, nëntë sportistët shqiptarë dhe delegacioni që i shoqëron ata vazhdon të shijojë fshatin olimpik, ku është akomoduar që 7 ditë para hapjes së Lojërave Olimpike 2012, por edhe bukuritë e kryeqytetit britanik. Në Komitetin Olimpik Kombëtar Shqiptar (KOKSH) është mësuar se ekipi olimpik shqiptar do të zbarkojë në Tiranë vetëm më datën 14 gusht, vetëm dy ditë pas mbylljes së garave të Lojërave Olimpike, pasi një gjë e tillë është e parashikuar në axhendën olimpike. Kthimi i tyre do të bëhet në dy grupe të ndara, që do të udhëtojnë drejt vendlindjes. Xhudistja Majlinda Kelmendi e ka braktisur ekipin olimpik vetëm pak ditë pas konkurrimit dhe para një jave mbërriti në shtëpi (Kosovë). Menjëherë pas kthimit, pritet të mbahet analiza e shumëpërfolur për gjithçka që nuk shkoi mirë në Londër 2012 në këtë ekip, i cili duket se i mungoi shpirti olimpik. Një nga pikat më nevralgjike është ajo e dopingut të Hysen Pulakut, që ka prodhuar një sherr mes Federatës Shqiptare të Peshëngritjes (FSHP) dhe KOKSH-it. Kjo gjë ka krijuar një atmosferë negative për sportin, që herë pas here shfaqet kur ndodhin episode të tilla, edhe pse shqiptari nuk ishte i vetëm me doping në Olimpiadë. Ndërsa për sa u përket rezultateve, tabuja “medalje” për Shqipërinë do të vazhdojë deri në Lojërat Olimpike Rio 2016. Sportistët tani i provuan lotët e dështimit, por jo ato të fitores që të çon në Olimpin sportiv, që i dhuron një emocion unik një kombi të tërë, i cili i ka sytë te sportistët e tij. Por tashmë do të duhet të presim 14 gushtin për të bërë bilancin përfundimtar.

Analiza

Më 14 gusht, dy ditë pas përfundimit të Lojërave Olimpike Londër 2012, ekipi olimpik do të zbarkojë në Shqipëri. Më pas pritet një analizë e thellë e paraqitjes së kuqezinjve.

10.08.2012

Burimi: Gazeta Shqip

The post Shqipëria olimpike harron rrugën e kthimit (Burimi: Gazeta Shqip, gazeta-shqip.com) appeared first on Lajm-shqip.

Njohuritë për lojërat e lashta kanë qarkulluar në literaturën mjekësore, madje para se Pierre de Coubertin t’i ringjallte Lojërat Olimpike në 1896. Një ese në gazetën mjekësore dhe kirurgjikale të Bostonit, rreth fuqisë së mendjes mbi trupin, përshkroi “grekun e vjetër i cili vdiq në vend nga gëzimi i tepruar, teksa shihte tre djemtë e tij të kurorëzoheshin me dafina në Lojërat Olimpike”(1851). Autorë të tjerë nxorën mësime nga trashëgimia e Lojërave Olimpike. Disa paralajmëronin se trajnimi i tepruar atletik devijonte energjitë nga zhvillimi mendor, duke i lënë adoleshentët “apatikë dhe të vonuar”. “Ishte vënë re në mënyrë të veçantë nga grekët se asnjë, që në djalëri fitoi çmim në Lojërat Olimpike, nuk u dallua kurrë më vonë.” (1867) Në kontrast, një rishikim i vitit 1891, shpresonin se edukatorët mund të mësonin nga teknikat e lashta dhe të përmirësonin trajnimin atletik në shkollat amerikane.

Kur filluan Lojërat moderne në Athinë, më 1896, mjekët ishin pak të interesuar. Interesimi më i madh i tyre ishte në maratonë. Nxehtësia dhe lagështia i munduan maratonistët në St. Louis në vitin 1904: ku nga 27, 14 e mbaruan garën. Fituesi, i cili u mbështet gjatë garës me sulfat striknine (krijon konvulsione muskulore, që mund të çojnë deri në vdekje), pesë vezë dhe konjak, si rrjedhojë iu nevojit ndihma e katër mjekëve. Nxehtësia shkaktoi gjithashtu probleme në Londër dhe në Stokholm. Kur lojërat rifilluan në vitin 1920 në Antwerp, atletët iu nënshtruan ekzaminimeve fizike. Shtetet e Bashkuara dërguan ekipin e parë të mjekëve në Olimpiadën e Parisit në vitin 1924. Mbikëqyrja e kujdesshme mjekësore vazhdon që atëherë.

Mjekët janë interesuar për Lojërat Olimpike për disa arsye. Në vitet 1920, ata hetuan limitet e fiziologjisë njerëzore. Një grup studioi rremtarët e Yale-s, të cilët fituan medalje ari në Paris. Një mekanizëm i zgjuar zbuloi se në shpejtësinë e tyre garuese – 19.3 kmh – tetë burrat prodhonin katër kuaj fuqi, një rritje 20-fish e metabolizmit në qetësi (1925). Një studim i vitit 1937, i publikuar në gazetë, tregoi se atletët e Olimpiadës së Berlinit, të vitit 1936, konsumonin 7300 kalori në ditë.

Disa herë vetë vendi organizues u bë problem. Shtetet e Bashkuara kërcënuan se do të bojkotonin Olimpiadën e Berlinit, derisa Hitleri u zbut dhe lejoi atletët e zinj dhe hebre të konkurronin. Politika e bojkotit doli përsëri në sipërfaqe në Olimpiadën e Moskës, të vitit 1980, kohë kur marrëdhëniet midis SHBA-së dhe Rusisë ishin të tendosura, si pasojë e pushtimit Sovjetik të Afganistanit. Vende të tjera organizatore krijuan shqetësime mjekësore. Roger Bannister, i cili ishte personi i parë që vrapoi një milje, më pak se 4 minuta, “disaprovoi plotësisht” mbajtjen e lojërave të vitit 1968 në lartësi të madhe në Mexico City. Dhe vërtet, disa qindra atletë pësuan kolaps në atë Olimpiadë, nga migrena, shoku, sinkopi, ose nga eksitimi emocional. Frika nga patogjenet lokale u shfaq para Olimpiadës në Seul (encefaliti Japonez) dhe Barcelona (streptokok rezistent ndaj shumë ilaçeve). Çdo paralajmërim u pasua me përgënjeshtrime të fuqishme. Ngjarjet Olimpike tërheqin sot miliona vizitorë dhe kërkojnë planifikim të kujdesshëm mjekësor. Frika nga terrorizmi u shfaq gjithashtu, sidomos pas atentatit me bombë në Atlanta, ku mbetën dy të vdekur dhe 111 të dëmtuar.

Siguria në sportin Olimpik ka mbetur një shqetësim i përhershëm. Akademia Franceze e Mjekësisë caktoi një komitet para Lojërave të Parisit në 1924, “për të studiuar efektet e atletikës moderne në sistemin njerëzor”. Testet rezultuese “zbuluan një numër alarmant rastesh të zemrës së atletit.” Studime pasuese, nga vitet 1920 (në atletë nga Olimpiada e Amsterdamit 1928) deri në vitet 1990 kanë prodhuar dëshmi kontradiktore, në lidhje me çështjen se trajnimi intensiv fizik mund të shkaktojë zmadhimin e zemrës. Disa sporte janë shqyrtuar në mënyrë të veçantë. Në prag të Olimpiadës së Atlanta-s, një shqyrtim i ashpër krahasoi gjimnastikën për femra me abuzimin e fëmijëve, duke argumentuar se, megjithëse “gjimnastika elitë mund të sigurojë një eksperiencë të thellë kuptimplotë për atletet,” ajo mund të rezultojë gjithashtu “në çrregullime serioze, jetë fizike dhe psikologjike kërcënuese.” Duke cituar dëmtime, çrregullime të të ngrënit dhe probleme sociale, autorët paralajmërojnë se “të rinjtë e talentuar, në çdo nivel konkurrues, duhen mbështetur në vend që të dëmtohen nga sporti i tyre, teksa hyjnë në moshë madhore.”

Një lloj tjetër kontrolli mjekësor doli në vitet 1950. Duke komentuar për një simpozium rreth “fiziologjisë Feidipiane (maratonomaku që përshkroi 40 km në Greqinë e vjetër)”, një artikull i vitit 1957 vuri në dukje përmirësimet dramatike në performancë. Çfarë e shpjegonte “këtë epidemi të thyerjeve të rekordeve”? Artikulli konsideroi kontribute të mundshme nga trajnimi, dieta, antibiotikët dhe motivimi, por u fokusua në “shpjegimin spekullativ”: “se amfetamina po përdorej nga disa atletë për t’i ndihmuar ata të thyenin ndryshe rekorde të pakundërshtueshme.” Praktika të tilla, nëse ndodhnin me të vërtetë, janë të rrezikshme dhe “etikisht të padëshirueshme.” Çdo dekadë, që kalon, sjell skandale të reja rreth drogave që rrisin performancën. Pasi Komiteti Olimpik i SHBA-së pranoi se shtatë çiklistë (përfshirë katër medalistë), kishin marrë transfuzione gjaku në Lojërat e Los Angeles-it, një artikull bombastik e dënoi këtë praktikë jo vetëm sepse ishte e rrezikshme, në mënyrë të veçantë në dritën e epidemisë së SIDA-s, por edhe se “përfaqëson një tentativë terapie mjekësore për t’i garantuar atletëve një avantazh konkurrues të padrejtë. “Kur Ben Johnson-it iu hoq medalja e arit në Olimpiadën e Seulit, në gazeta u shqyrtuan rreziqet mjekësore dhe pasojat ligjore të përdorimit të steroideve (1989). Më pas doli eritropoetina. Një fiziolog holandez shkroi në gazetë se “Lojërat e ardhshme Olimpike ishin quajtur tashmë “Olimpiada Hematokritit”” dhe detyrimi i mjekut u bë i qartë: “Profesioni mjekësor ka përgjegjësinë të shqyrtojë me kujdes këto pasoja të pafavorshme të zhvillimit shkencor”.

Drogat që përmirësojnë performancën i kanë hedhur një hije të gjatë lojërave Olimpike moderne. Nëse agjentët janë striknina, heroina, kokaina dhe morfina, që atletët e përdorën në Olimpiadën e Athinës në vitin 1896 ose amfetaminat, steroidet dhe eritropoetina, që e përdorin disa sot, dilema mbetet e njëjtë. Një specialist i mjekësisë sportive vuri në dukje, në vitin 2004, se “tërheqja nga drogat që përmirësojnë performancën është thjesht që ata të lejojnë përmbushjen e premtimit mitik të performancës atletike pa kufi, termi hubristik (krenari ekstreme dhe arrogancë) i Lojërave Olimpike ‘më shpejt, më lart, më fortë’. Sistemet pasuese të mbikëqyrjes mjekësore kanë çuar në mënyrë të pashmangshme në “një lloj të ri konkurrence”, ku disa atletë përpiqen të jenë një hap para autoriteteve.

Gara e armëve do të vazhdojë për sa kohë shkenca mjekësore prodhon mjete gjithnjë e më të reja për përmirësimin e performancës. A do të provojnë atletët në të ardhmen faktorët e rritjes ose terapinë gjenetike? Një gjë është e sigurt: Olimpiada do të mbetet një objekt i magjepsjes mjekësore.

06.08.2012

Burimi: Gazeta Shqip

The post Mjekësia dhe sukseset e olimpiadave (Burimi: Gazeta Shqip, gazeta-shqip.com ) appeared first on Lajm-shqip.

Notarja kineze Ye Shiwen tronditi botën e notit dhe Lojrat Olimpike më parë gjatë javës, kur vendosi një rekord botëror në 4×100 metra stil i përzjer, rekord i konsideruar i pamundur edhe sepse 16-vjeçarja notoi në disa pjesë të garës më shpejt se kampioni i meshkujve ne te njejtin stil, amerikani Lochte. 

Përballë akuzave për doping, Shiwen mohoi gjithçka kategorikisht, ndërsa testimet gjithashtu nuk treguan asnjë gjurmë të ndonjë substance të ndaluar në trupin e saj.

Si rrjedhojë, kanë nisur duke qarkulluar zërat e parë se Kina mund të jetë duke bërë diçka shumë më shqetësuese se dopingu, duke udhëhequr mutacione gjenetike, në gjendje që të përmirësojnë rendimentin e atletëve të ndryshëm.

Sugjerimi i pabesueshëm erdhi nga një ekspert, i cili theksoi se nuk do të ishte aspak i befasuar nëse Londër 2012 do të hyjë në histori si Olimpiada e parë ku ndryshimet gjenetike lejojnë atletët të formojnë më shumë muskuj dhe të mbajnë më shumë oksigjen në gjakun e tyre.

Ted Friedmann, kryetari i panelit të gjenetikës në Agjensinë Botërore Anti-Doping (WADA), deklaroi se kjo është një mundësi reale. “Nuk do të habitesha aspak nëse disa atletë mund të përdorin në mënyrë të fshehtë gjene të modifikuara për të rritur performancën e tyre. Nga ana jonë, është shumë e rëndësishme që të zhvillojmë një teknologji sa më të mirë për të dalluar “dopingun” gjenetik”.

Por, a mund të funksionojë me të vërtetë një terapi gjenesh për të përmirësuar paraqitjet olimpike?

Eksperimentet laboratorike thonë që po. Në vitin 2005, Ronald Evans, një ekspert hormonesh në një institut biologjik në Kaliforni, tregoi se modifikimi gjenetik ka treguar se është në gjendje që të rrisë fuqinë atletike të një miu.

02.08.2012

Burimi: Top Channel

The post Sekreti i Kinës, jo dopingu, por mutacionet gjenetike (Burimi: Top Channel, www.top-channel.tv ) appeared first on Lajm-shqip.

Afrikanojugori Kameron Van der Burg dhe amerikania Dana Volmer kanë vendosur dy rekorde botërore në garat 100 metra për meshkuj stil bretkosë dhe 100 metra për femra stil flutur.

Van der Burg ka arritur të lërë pas në garën e tij japonezin Kosuke Kitazhima, duke u cilësuar si sportisti i vetëm i cili merr tri medalje të arta në të njëjtin stil në tri olimpiada radhazi. Kameron van der Burg theu rekordin në këtë stil me 12 të mijtat më mirë se koha që kishte vendosur australiani Rikard në Romë të vitit 2009.

Ndërkohë, notarja Dana Volmer, duket të ketë lënë mënjanë problemet shëndetësore dhe ka arritur të fitojë medaljen e artë në garën e 100 metrave për femra stil flutur duke vendosur edhe rekord. Koha e saj e re është 8 të mijtat më e shpejtë se rekordi i cili ishte vendosur në vitin 2009 në Romë. Volmer fitoi medaljen e artë në Athinë 2004 në stafetë, ndërkohë që në Pekin 2008 nuk mundi të kualifikohet për probleme shëndetësore.

Majkëll Felps ka fituar medaljen e tij të parë të argjendtë në not në këtë olimpiadë, por në garën e stafetës 4×100, duke çuar në 17 numrin e medaljeve personale, një rekord ky që mbahej më parë vetëm nga gjimnastja sovjetike, Larisa Latinina.

Medaljen e artë në këtë stafetë për meshkuj e fitoi ekipi francez. Katër vite më parë në Pekin, Felps mori 8 medalje të arta në të gjitha kategoritë e notit, ndërkohë në Londër e humbi shansin në garën individuale të 400 metrave.

Në tenis, vendasi Endi Mërrei bëri një fillim të mirë në olimpiadë, pasi humbi finalen e Uimbëlldonit përballë Federerit pak kohë më parë. Ai mundi në këtë ndeshje të parë Vavrinkën me dy sete me rezultatin 6-3 6-3. Pas kësaj humbjeje tashmë Vavrinkës i mbetet të përqendrohet për kundërshtarin e radhës që do të jetë Roxher Federer, ndërsa Mërrei do të përballet me tenistin nga Tajvani Lu Jen.

31.07.2012

Burimi: Gazeta Shqip

The post Londër 2012, dy rekorde botërore në not (Burimi: Gazeta Shqip, gazeta-shqip.com ) appeared first on Lajm-shqip.

31.07.2012

Burimi: Balkanweb

The post Futja “brutale” e atletëve kinez në Olimpiadë (Burimi: Balkanweb, www.balkanweb.com ) appeared first on Lajm-shqip.

Mjaft pozitive rezultoi edhe gara e qitësit Arben Kucana, i cili u rendit i 20-ti në 10 metra pistoletë ajër, me 577 pikë të grumbulluara gjithësëj, duke lënë pas në renditje 24 qitësa të tjerë. Koreano-jugori Jing Jangoh zuri vendin e parë me 588 pikë. Në këtë disiplinë u kualifikuan vetëm 8 sporistë. Olimpiada e Londrës nuk mbyllet këtu për Arben Kucanën, i cili më 5 gusht në orën 10:00, do të garojë në 50 metra pistoletë.

28.07.2012

Burimi: Bota Sot

The post Rezultatet e para të kuqezinjve në Londër 2012 (Burimi: Bota Sot, www.botasot.info ) appeared first on Lajm-shqip.

Formula 1 për vitin 2012 do të nisë pa asnjë pilot italian. I fundit italian që garonte në sezonin e fundit ishte Jarno trulli  por që dhe ky është zëvendësuar nga rusi Vitaly Petrov. Ka ndodhë 3 herë në histori që Italia mos të ketë pilotë në Formula 1 dhe hera e fundit ka qënë më 1971.

The post Formula 1 sezoni 2012 – Asnjë pilot italian. Kishte 40 vjet që nuk ndodhte ! appeared first on Lajm-shqip.

Briken Calja

Datëlindja:     19 shkurt  1990

Pesha:     62 kg, 69 kg

Arritjet: Europiani i të rriturve, 2012 (vendi i 6, pesha 69 kg); Botërori i të rriturve, 2011 (vendi i 16, pesha 69 kg); Europiani i U-23, 2011 (medalja bronzi, pesha 69 kg); Europiani i të rinjve, 2010 (medalje ari, pesha 69 kg); Botërori i 78 i të rriturve, 2010 (vendi i 12, pesha 69 kg); Botërori i 36 i të rinjve, 2010 (-, pesha 69 kg).

Daniel Godelli

Datëlindja: 10 janar 1992

Pesha:     62 kg, 69 kg

Arritjet: Botërori i të rinjve, 2012 (-, pesha 69 kg); Europiani i të rriturve, 2012 (-, pesha 69 kg); Botërori i të rriturve, 2011 (vendi i 20, pesha 69 kg); Europiani i të rinjve, 2011 (-, pesha 69 kg); Botërori i të rinjve, 2011 (medalje ari, pesha 69 kg); Europiani i të rriturve, 2011 (medalje bronzi, pesha 69 kg).

Hysen Pulaku

Datëlindja: 12 gusht 1992

Pesha: 77 kg

Arritjet: Europiani i të rriturve, 2011 (vendi i 6, pesha 77 kg); Europiani i të rinjve, 2011 (medalje argjendi, pesha 77 kg); Botërori i të rinjve 2010 (-, pesha 77 kg); Europiani i para të rinjve, 2009 (medalje ari, pesha 77 kg); Europiani i të rinjve, 2009 (-, pesha 77 kg).

Romela Begaj

Datëlindja: 2 nëntor 1986

Pesha: 58 kg

Arritjet: Europiani të rriturve, 2012 (medalje argjendi, pesha 58 kg); Botërori i të rriturve, 2011 (vendi i 8, pesha 58 kg); Europiani i të rriturve, 2011 (-, pesha 58 kg); Botërori i të rriturve, 2010 (-, pesha 58 kg); Europiani i të rriturve, 2010 (medalje argjendi, pesha 58 kg); Botërori i të rriturve, 2009 (vendi 4, pesha 58 kg); Lojërat Mesdhetare, 2009 (medalje ari, pesha 58 kg).

Endri Karina

Datëlindja:     2 mars 1989

Pesha:     94 kg

Arritjet: Europiani i të rriturve 2008 (vendi i 14, pesha 105 kg); Botërori i rriturve 2008 (vendi i 7, pesha 94 kg); Botërori i të rriturve 2009 (vendi i 11, pesha 94 kg); Europiani i të rriturve 2009 (vendi i 7, pesha 94 kg); Europian i të rriturve 2010 (vendi i 6-i, pesha 94 kg); Botërori i të rriturve 2010 dhe Europiani i të rriturve 2012 (nuk u klasifikua).

Majlinda Kelmendi

Datëlindja:     09 maj 1991

Pesha:     52 kg

Arritjet: Abu Dhabi (çmimin Grand Prix); Botërori i Minskut (medaljen e artë); Botërori i Romës (medalje e artë);

Botërori i Lisbonës (vendi i 15, pesha 52 kg); Çmimin e Madh të Duseldorfit (medaljen e argjendit); Botërori i të rinjve Paris 2009 (medalje e artë), Botërori i të rinjve 2010 (vendi i pestë); Botërori i të rinjve Tokio 2010 (vendi i nëntë).

Luiza Gega

Datëlindja:     05 nëntor 1988

Disiplinat:     800 m, 1500 m dhe 3000 m

Arritjet: Kampionati Europian Paris 2011 në 800 metra ka rezultatin 2:08:34 sekonda; Kampionati Botëror Koreja 2011 në 800 m, vendi 20 me rezultatin 2:03”11 sekonda; Kampionati Ballkanik (Indoor) Stamboll, në 1500 m, vendi parë, medalje ari, me rezultatin 4:10:75 sekonda.

Adriatik Hoxha

Datëlindja:     9 mars 1990

Disiplina: Hedhje gjyle

Arritjet: Kampionati Botëror Berlin 2008 (u rendit i 18-i falë distancës 15.89 metra); Kampionati Europian i hedhjes së gjyles Bari 2012 (u rendit i 9-i me distancën prej 17.61 metrash). Kampionati Europian Helsinki 2012 (u rendit i 12-i falë distancës 17.00 metra).

Klodiana Shala

Datëlindja:     22 shtator 1979

Disiplina: 100 m, 200 m, 400 m, 400 m me pengesa

Arritjet: Lojërat Olimpike Sidnei 2000 (koha 56.41, 400 m); Europiani Mynih 2002 (24.93. 200 m); Botërori Birmingam 2003 (57.81, 400 m); Botërori Budapest 2004 (54’’62, 400 m); Lojërat Olimpike Athina 2004 (1:00.00,  400 m me pengesa); Europiani Goteborg 2006  (24.64, 200 m); Botërori Moskë 2006 (54.21, 400 m); Pekin 2008 (56.45, 400 m); Europiani Torino 2009 (55.70, 400 m); Lojërat Olimpike Pekin 2008 (56.45, 400 m).

Sidni Hoxha

Datëlindja:     6.01.1992

Disiplina: Not (stil i lirë)

Arritjet: Europiani i Notit Stamboll 2009 (koha 22.49 sekonda në 50 m stil i lirë dhe 50.07 në 100 m stil i lirë. Botërori Shangai 2011 (23.18 sekonda, 50 m stil i lirë, rekord kombëtar dhe 51.15 sekonda, 100 m stil i lirë). Është shpallur notari më i shpejtë i Ballkani në 50 m dhe 100 m stil i lirë për sportistët e datëlindjes 1992-1993.

Noel Borshi

Datëlindja:     13.02.1996

Disiplina: 100 m, flutur

Arritjet: Notarja Borshi, në siglën e skuadrës “Stela”, u shpall fituese e kampionatit shqiptar të  notit për femra në 200 metra stil i përzier me kohën 2’38?67 dhe në garën 800 m, stil i lirë me kohën 9’18?50. Në Botërorin 2011, 100 metra stil flutur regjistroi kohën 1:05.71, ndërsa në 200 metra stil flutur ndali kronometrin në kohën 2:29.16 .

Arben Kuçana

Datëlindja:     15.08.1967

Disiplina: Qitje

Arritjet: Arben Kuçana do të përfaqësojë Shqipërinë në qitje në disiplinën 10 metra me pistoletë. Në Kampionatin e fundit Europian ai grumbulloi 569 pikë, duke u renditur në vendin e 52. Ndërsa në kampionatin kombëtar grumbulloi 573 pikë, duke u shpallur kampion i vendit. Pretendimi i tij në këto lojëra olimpike është të renditet mes 20 vendeve të para.

Lojërat Olimpike e kanë zanafillën e tyre në Greqinë e lashtë. Gjatë kohës së zhvillimit të tyre të gjitha luftërat që bëheshin brenda territorit grek ishin të detyruara të pushonin. Ato ishin personifikim i paqes. E njëjta traditë vazhdon edhe sot, kur duhen edhe pak ditë deri në startin e Lojërave Olimpike, Londër 2012 (27 korrik-12 gusht).

“Nuk heqim dorë nga ëndrra”. Me këtë slogan, 12 sportistët shqiptarë (të përcaktuar përfundimisht, bashkë me Klodiana Shalën) që do të marrin pjesë në Lojërat Olimpike, Londër 2012, kanë nisur mesditën e së premtes në kryeqytet grumbullimin në prag të turneut më të rëndësishëm të sportit botëror. Sipas shefit të komisionit Teknik, Viron Bezhani, sportistëve kuqezinj do t’u krijohen të gjitha kushtet për të bërë një paraqitje sa më dinjitoze në këtë kompeticion. “T’i japim Shqipërisë rezultatet sa më të mira, nënvizoi në fjalën e tij Bezhani. Le të shpresojmë që kjo të bëhet realitet, pasi do të ishte një dhuratë shumë e bukur për të gjithë vendin në 100- vjetorin e Pavarësisë”. Sportistet janë përshëndetur edhe nga drejtori i Sporteve në Ministrinë e Turizmit, Kulturës, Rinisë dhe Sporteve, Vasil Bici. Për të eliminuar çdo surprizë, sa i përket substancave të ndaluara doping, të gjithë atletët do të përdorin medikamentet vetëm me leje të Qendrës Anti-Doping të Agjencisë së Sporteve. Për momentin Shqipëria merr pjesë me 11 sportistë, në 5 disiplina të ndryshme në Londër 2012: peshëngritje, not, atletikë, xhudo dhe qitje. Për sa i përket së kaluarës, vendi ynë numëron 6 pjesëmarrje në Lojërat Olimpike, përkatësisht: 1972 (1 sportist), “Barcelona 1992” (1 sportist: notari Frank Leskaj), “Atlanta 1996” (2 sportistë) 2000 (4 sportistë), “Athinë 2004” (7 sportistë) dhe në “Pekin 2008” (11 sportistë). Edhe pse Komiteti Olimpik Kombëtar Shqiptar (KOKSH)është krijuar në vitin 1958 dhe është njohur nga Komiteti Olimpik Ndërkombëtar (IOC) në vitin 1959, Shqipëria ka marrë pjesë për herë të parë në Olimpiadën e Munihut, të zhvilluar në vitin 1972, të cilat ishin edhe Lojërat e 20-ta Olimpike Verore. Ato u zhvilluan nga 26 gushti deri në 11 shtator 1972. Në Lojërat Olimpike të Munihut, Shqipëria pati edhe të parin e të vetmin rekordmen dhe kampion olimpik. Më 29 gusht 1972, peshëngritësi i “17 Nëntorit”, Ymer Pampuri, (atëherë 27 vjeç) theu në Gjermani rekordin olimpik të Yoshinobu Miyake të Japonisë në stilin e forcës. Gara u zhvillua më 29 gusht 1972 dhe Ymer Pampuri arriti të ngrinte 127,5 kilogramë. Shqipëria pas pjesëmarrjes në Munih 1972 u zhduk nga katër olimpiadat pasardhëse: 1976, 1980, 1984, 1988, për t’u rikthyer në vitin 1992 e për të qenë gjithmonë pjesëmarrëse në Lojërat Olimpike. Njëmbëdhjetë sportistë do të marrin pjesë në “Pekin 2008”. Në Londër 2012 Shqipëria do të marrë pjesë me delegacionin më të madh sportiv të parë ndonjëherë: 12 sportistë, 8 prej tyre me normë të kualifikuar dhe 4 me ftesa të veçanta, për shkak të rezultateve të larta. Një numër i lartë, po ta krahasojmë me pjesëmarrjen e sportistëve me “Pekin 2008”, ku morën pjesë 11 sportistë, nga të cilët 7 të kualifikuar direkt dhe 4 me ftesa. Grumbullimi ka nisur edhe grumbullimi në “Hotel Rogner” i ekipin përfaqësues të Shqipërisë në lojërat Olimpike Londër 2012, që nis më 27 korrik dhe përfundon me 12 gusht. Ndërkohë Komiteti Ekzekutiv i KOKSH ka përcaktuar elementët përbërës dhe programin për mbrëmjen Gala, më 12 korrik, ora 20:30, atje ku do të dorëzohet dhe flamuri për olimpistët shqiptarë nga Presidenti i Republikës, z. Bamir Topi.

Londër 2012

Në Londër 2012 Shqipëria do të marrë pjesë me delegacionin më të madh sportiv të parë ndonjëherë: 12 sportistë, 8 prej tyre me normë të kualifikuar dhe 4 me ftesa të veçanta

Olimpistët shqiptarë

Me normë

1) Majlinda Kelmendi – Xhudo

2) Romela Begaj – Peshëngritje

3) Briken Calja – Peshëngritje

4) Daniel Godelli – Peshëngritje

5) Hysen Pulaku – Peshëngritje

6) Endri Karina – Peshëngritje

7) Luiza Gega   – Atletikë

8) Klodiana Shala – Atletikë

Me ftesë

1) Noel Borshi  - Not

2) Sidni Hoxha – Not

3) Adriatik Hoxha – Atletikë

4) Arben Kuçana – Qitje

Kalendari i garave

28 korrik (ora 10.30

Sportisti: Noel Borshi

Sporti:    Not

Disiplina  100 m, flutur

28 korrik  (ora 12.00)

Sportisti:  Arben Kuçana

Sporti:  Qitje

Disiplina  10 m, pistoletë

29 korrik (ora 09.30)

Sportisti: Majlinda Kelmendi

Sporti:   Xhudo

Pesha 52 kg

30 korrik (ora 12.30)

Sportisti:  Romela Begaj

Sporti:   Peshëngritje

Pesha 58 kg

31 korrik  (ora 10.00)

Sportisti: Briken Calja

Sporti     Peshëngritje

Pesha 69 kg

31 korrik  (ora 10.00)

Sportisti:  Daniel Godelli

Sporti:    Peshëngritje

Pesha 69 kg

31 korrik (ora 10.00)

Sportisti  Sidni Hoxha

Sporti     Not

Disiplina  100 m, stil i lirë

1 gusht (ora 10.00)

Sportisti:  Hysen Pulaku

Sporti:    Peshëngritje

Pesha 77 kg

3 gusht (ora 10.00)

Sportisti:  Adriatik Hoxha

Sporti:    Atletikë

Disiplina:  Hedhje gjyle

4 gusht (ora 15.30)

Sportisti:  Endri Karina

Sporti:    Peshëngritje

Pesha 94 kg

5 gusht (09.00)

Sportisti:  Arben Kuçana

Sporti:   Qitje

Disiplina:  50 m, pistoletë

6 gusht 11.45

Sportisti:  Luiza Gega

Sporti:  Atletikë

Disiplina  1500 m

08.07.2012

Burimi: Gazeta Shqip

The post Nis aventura “Londër 2012”, Shqipëria beson te medaljet appeared first on Lajm-shqip.

Në rrugëtimin e tij për një rilindje të sportit shqiptar, deputeti i Partisë Socialiste, Fidel Ylli, është stacionuar në Prishtinë, duke i bërë për herë të parë bashkë, nën një himn dhe nën një flamur, shqiptarët kampionë bote, si Luan Krasniqi, Lorik Cana, Besart Berisha, Foto Strakosha dhe shumë sportistë të tjerë të njohur nga Shqipëria dhe Kosova. Deputeti Ylli ka kërkuar mbështetjen e politikës që sportistët shqiptarë të mos mbeten të shpërndarë nëpër botë. “Synimi i mbajtjes së këtij takimi është hedhja e ideve dhe strategjive të përbashkëta në fushën e sportit. Të gjithë e dimë se bashkimi nuk arrihet vetëm me vullnetin e një partie dhe as për një ditë. Duhet vullneti i dy qeverive. Le ta fillojmë me sportin”, theksoi Fidel Ylli.

Krasniqi

Një mesazh të rëndësishëm në këtë takim dha edhe kampioni i Europës, Luan Krasniqi, i cili përkrahu idenë për krijimin e komitetit të parë mbarëkombëtar të sportit

11 Qershor 2012

Burimi: Gazeta Shqip

The post Prishtinë, mblidhen kampionët shqiptarë appeared first on Lajm-shqip.